Afrika Kusini imetangaza kuwaondoa wanajeshi wake kutoka kikosi cha kulinda amani cha Umoja wa Mataifa (MONUSCO) nchini Jamhuri ya Kidemokrasia ya Kongo (DRC). Katika taarifa yake, ofisi ya rais inabainisha kuwa Rais wa Afrika Kusini Cyril Ramaphosa alimfahamisha Katibu Mkuu wa Umoja wa Mataifa Antonio Guterres kuhusu kuwaondoa wanajeshi 700 mnamo Januari 12 wakati wa mazungumzo ya simu. Pretoria inawaondoa wanajeshi wake hasa kwa sababu za bajeti.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko Johannesburg, Valentin Hugues
Kuondolewa huku kunakusudiwa “kupanga upya rasilimali za jeshi,” ofisi ya rais inseam katika taarifa yake kwa vyombo vya habari. Zaidi ya wanajeshi 700 wa Afrika Kusini walitumwa nchini DRC. Suala hili limekuwa likijadiliwa mara kwa mara nchini Afrika Kusini, haswa katika Bunge, tangu M23 ilipoteka mji mjuu wa mkoa wa Kivu Kaskazini, Goma. Mwaka jana, wito wa kuwarudisha nyumbani wanajeshi wa Afrika Kusini uliongezeka baada ya vifo vya wanajeshi 14 kati yao mashariki mwa nchi.
Wengi wanataja hali mbaya ya kifedha ya jeshi la Afrika Kusini, taasisi isiyofadhiliwa kikamilifu ambayo kwa hivyo haiwezi tena kutekeleza misheni nje ya nchi. Hii ndiyo sababu ofi s ya rais inazungumzia kuhusu upangaji upya wa rasilimali.
Vifaa vya kuzeeka
Matatizo haya ya bajeti yanaonyeshwa na vifaa vya kuzeeka ambavyo nchi inajitahidi kuviboresha. Wanajeshi waliotumwa nchini DRC waliwahi hata kukemea matatizo ya malipo ya posho. Baadhi ya waangalizi wanazungumzia jeshi lililo karibu kuanguka. Ni katika muktadha huu muhimu ambapo Pretoria inawaondoa wanajeshi 700 kutoka kikosi cha kulinda amani cha Umoja wa Mataifa, zoezi ambalo ltakamilika mwishoni mwa mwaka.
Katika taarifa yake, Pretoria inaongeza kuwa Afrika Kusini itaendelea kuunga mkono juhudi za amani nchini DRC.