Nchini Cameroon, kuna maswali mengi yanayohusu sababu za kuahirishwa tena kwa uchaguzi wa wabunge na wa serikali za mitaa. Muda wa wabunge na madiwani wa sasa wa manispaa ulitarajiwa kuisha mwaka jana, Machi 2025. Ulioongezwa kwa mwaka mmoja, hadi Machi 2026, sasa utaongezwa tena.
Imechapishwa:
Dakika 2 Wakati wa kusoma
Matangazo ya kibiashara
Rais Paul Biya aliweka wazi hili siku ya Jumanne, Februari 10, akitaja katika hotuba yake ya kila mwaka kwa vijana “marekebisho kidogo” kwa kalenda ya uchaguzi “kwa kuzingatia baadhi ya vikwazo vya lazima,” bila kutoa maelezo zaidi.
Je, ni aina gani ya “vikwazo hivi” vilivyotajwa na Paul Biya? Kifedha, usalama, kitaasisi, au kisiasa? Tangazo hili linazua maswali mengi. Vivyo hivyo inatumika kwa wazo la “marekebisho kidogo” kwa kalenda ya uchaguzi, ambayo huacha vyama vinavyoshindana bila tarehe ya mwisho ya kujiandaa kwa uchaguzi.
“Uvumilivu,” kinajibu chanzo kilicho karibu na serikali ya Cameroon. Maelezo yataibuka wakati wa kikao cha bunge cha mwezi Machi, wakati muswada unaosogeza mbele muhula wa maafisa waliochaguliwa utakapowasilishwa. Chanzo hiki kinahakikisha kwamba Baraza la Katiba litashauriwa. Kuongezwa kwa muda huo kunabaki kuwa halali, kulingana na sheria iliyopo. Bado kutakuwa na kipindi cha miezi mitatu cha nyongeza. Kuongezwa kwa muda wa maafisa waliochaguliwa wa manispaa hakuwezi kuzidi miezi 18.
Lakini kwa kiongozi wa upinzani Patricia Tomaïno Ndam Njoya, meya wa UDC wa Foumban, aliyetangazwa wa sita kwenye orodha ya uchaguzi wa urais wa Oktoba 2025, ambaye, kama wadau wengine wa kisiasa na mashirika ya kiraia, anatoa wito wa mageuzi ya kanuni za uchaguzi, “udanganyifu” huu wa hivi karibuni wa kalenda ya uchaguzi ni kiashiria cha “demokrasia isio imara” nchini Cameroon na utawala wake. “Nchi yetu inarudi nyuma katika suala la heshima kwa mali ya umma.”
Kwa mchambuzi Hilaire Kamga, anasema kuahirishwa huku pia kunaonyesha aibu kubwa ndani ya chama cha rais. Chama ha CPDM kimetikiswa ndani na kutoaminiana na kamati kuu miongoni mwa baadhi ya wanachama wake wa ngazi za chini, na kwa hivyo bado hakijawa tayari kuwasilisha umoja ili kupata viti vyake vingi katika mabaraza ya manispaa na Bunge la taifa.
Kuhusu mabadiliko ya serikali, bado hakuna ratiba iliyo wazi. Mnamo Desemba 31, Rais Paul Biya alitangaza serikali mpya “katika siku zijazo.” Wiki sita tayari zimepita.