Mkutano wa 39 wa kila mwaka wa Umoja wa Afrika (AU) umefunguliwa Jumamosi, Februari 14, huko Addis Ababa, Ethiopia. Katika mkutano huo, Mwenyekiti wa Tume ya AU, Mahamoud Ali Youssouf, rais wa Djibouti, alitaka kukomeshwa kwa kile alichokielezea kama “kuangamizwa” kwa watu wa Palestina.
Imechapishwa:
Dakika 1 Wakati wa kusoma
Matangazo ya kibiashara
Katika ufunguzi wa mkutano wa 39 wa kila mwaka wa Umoja wa Afrika (AU) siku ya Jumamosi, Februari 14, huko Addis Ababa, Mwenyekiti wa Tume ya Umoja wa Afrika, Mahamoud Ali Youssouf, rais wa Djibouti, alitoa wito wa kukomeshwa kwa kile alichokiita “kuangamizwa” kwa watu wa Palestina.
“Katika Mashariki ya Kati, Palestina na mateso ya raia wake pia yanahusu dhamiri zetu. Kuangamizwa kwa watu hawa lazima kukome,” alitangaza Mahamoud Ali Youssouf, aliyechaguliwa kuongoza taasisi hiyo mwaka wa 2025 kwa muhula wa miaka minne.
Vifo 71,667 vya Wapalestina kulingana na mamlaka ya Gaza
Ukanda wa Gaza, eneo dogo lililozungukwa na Israel, Misri, na Bahari ya Mediterania, limekuwa chini ya uzio mkali sana wa Israeli tangu mwanzo wa vita vilivyosababishwa na shambulio baya la Hamas mnamo Oktoba 7, 2023.
Shambulio hili lilisababisha vifo vya watu 1,221 upande wa Israel, wengi wao wakiwa raia, kulingana na hesabu ya shirika la habari la AFP kulingana na data rasmi. Tangu wakati huo, angalau Wapalestina 71,667 wameuawa katika eneo dogo la pwani kutokana na kampeni ya kijeshi ya Israel ya kulipiza kisasi, kulingana na Wizara ya Afya ya Gaza.
“Kunyamazisha bunduki katika bara letu ni jambo gumu”
Mkuu wa Tume ya AU pia alitaja migogoro inayoendelea katika bara la Afrika. “Kuanzia Sudan hadi Sahel, hadi mashariki mwa Jamhuri ya Kidemokrasia ya Kongo, Somalia, na kwingineko, watu wetu wanaendelea kulipa gharama kubwa kwa ukosefu wa utulivu,” alisema.
“Kunyamazisha mizinga katika bara letu kunaonekana kuwa vigumu. Udhaifu wa kisiasa na kitaasisi wa baadhi ya nchi zetu ni sababu ya wasiwasi. Migogoro ya wazi na iliyofichwa inazidi kuwa sugu,” alingeza. Mkutano wa kilele wa AU unawaleta pamoja viongozi wa bara hilo wikendi hii huko Addis Ababa, mji mkuu wa Ethiopia.