Mwezi mtakatifu wa Ramadhani unaanza katika ulimwengu wa Kiislamu Jumatano hii, Februari 18. Kwa Wapalestina, ni sherehe chini ya mazingira magumu sana katika Ukanda wa Gaza, ambapo watu milioni moja wanaishi katika mahema. Ripoti kutoka karibu na Rafah kusini mwa eneo hilo, katika kitongoji kinachokaliwa na watu waliokimbia makazi yao.
Imechapishwa: Imehaririwa:
Dakika 2 Wakati wa kusoma
Matangazo ya kibiashara
Na waandishi wetu huko Gaza, Rami El Meghari, na huko Jerusalemu, Frédérique Misslin
Kabla ya vita, Hanan kila mara alitundika mapambo na nyuzi za taa nyumbani kwake wakati wa mwezi Mtukufu wa Ramadhani. Sasa, mama huyu anaishi katika hema na watoto wake. Anazungumzia yaliyopita kwa kumbukumbu za zamani: “Hali yetu ya kiuchumi haikuwa nzuri sana kabla ya vita. Mume wangu alikuwa mfanyakazi. Hata hivyo, angeenda sokoni wakati wa mfungo wa mwezi wa Ramadhani kutuletea vitu vidogo, tulivyoweza kuhitaji.”
Leo, familia nyingi bado zinategemea misaada ya kibinadamu. Hivi ndivyo ilivyo kwa Elawaia, baba wa watoto sita: “Hapa, tunapokea chakula bila malipo. Wakati wa mwezi wa Ramadhani, katika miaka iliyopita, tungeanza kujiandaa siku 10 hadi 20 kabla ya kuanza kwa mwezi wa kufunga.”
Hisham ana uchungu sana, na anahasira: “Naweza kukuambia Ramadhani ikoje wakati wa vita. Ramadhani iliyopita, nilifunga kwa siku tatu mfululizo usiku na mchana, si kwa hiari. Na hakuna mtu aliyekuja kutuona.” Rania anataka kubaki na matumaini. Anaelezea kwamba hata ladha tamu ndogo zaidi huwa maalum wakati wa Ramadhani, lakini anakumbuka familia yake wakiwa wote nyumbani.
Kudiriki mfungo wa mwezi wa Ramadhani ni fursa adhimu ya kiroho kwa Waislamu, inayohusisha kujizuia kula, kunywa, na mambo mengine ya kimwili kuanzia alfajiri hadi jioni kwa siku 30. Ni nguzo ya Uislamu inayolenga kuimarisha imani, kumwabudu Mwenyezi Mungu, kusoma Qur’ani, na kutoa sadaka.
Kudiriki mwezi huu ni “ngawira kubwa” ya kiroho, inayowafanya waumini kujikurubisha kwa Mwenyezi Mungu.
Mambo muhimu ya kuzingatia:
- Ibada na Nidhamu: Mfungo huu ni kipindi cha toba, kusali, na kujenga nidhamu ya kiroho.
- Kufuturu: Mfungo huvunjwa jioni (Iftar), ambapo ni sunnah (mafundisho, matendo, kauli, na idhini ya kimyakimya ya Mtume Muhammad saw) kufuturu kwa tende na maji.
- Fadhila: Ramadhani imegawanyika katika kumi la mwanzo (rehema), la pili (msamaha), na la mwisho (kuachwa huru na moto).
- Nani anafunga: Waislamu waliokomaa (waliobalehe) wanatarajiwa kufunga.
- Muda: Huamuliwa na kuonekana kwa mwezi mwandamo, ikitarajiwa kuanza mnamo Februari 18-19, 2026.