Chanzo cha picha, Getty Images
Muda wa kusoma: Dakika 2
Kiungo wa kimataifa wa Brazil Casemiro, 33, ambaye anajiandaa kuondoka Manchester United mwishoni mwa msimu huu, anawaniwa na klabu za Inter Miami, Porto na Sao Paulo. (Sun)
Everton wamemfanya mshambuliaji wa Chelsea Liam Delap kuwa lengo lao kuu wa majira ya kiangazi. Muingereza huyo mwenye umri wa miaka 23 alitua Stamford Bridge msimu uliopita kutoka Ipswich Town. (Football Insider)
Robbie Keane, ambaye kwa sasa anasimamia Ferencvaros ya Hungary, anagombea kuchukua nafasi ya Oliver Glasner kama meneja wa Crystal Palace. (Mchezo)
Wolves huenda ikampoteza Mateus Mane msimu huu wa joto, huku Liverpool, Manchester United na Arsenal zikipigana vikumbo kwa kinda huyo wa kimataifa wa England mwenye umri wa miaka 18. (Caughtoffside)
Wajibu wa Aston Villa wa pauni milioni 35 kumsajili kiungo Harvey Elliott kutoka Liverpool kufuatia mkopo wake wa msimu mzima unaweza kuchochewa tu na mechi za Ligi Kuu ya Uingereza. Muingereza huyo mwenye umri wa miaka 22 amecheza ligi mara nne hadi sasa. (Sky Sports)
Wakati huohuo, nafasi ya Aston Villa kuendelea kumshikilia mshambuliaji wa Uingereza Morgan Rogers, 23, haitategemea wao kufuzu kwa Ligi ya Mabingwa. (Football Insider)
Chanzo cha picha, Getty Images
Lennart Karl atasaini mkataba mpya na Bayern Munich atakapofikisha umri wa miaka 18 Jumapili hii, hatua ambayo itakatiza hamu ya klabu kadhaa zinazotaka kumsajili ikiwa ni pamoja na Liverpool, Arsenal, Manchester City, Real Madrid na Paris St-Germain. (Team Talk)
Xavier Vilajoana ameanza mazungumzo kuhusu uwezekano wa kumsajili mshambuliaji wa Bayern Munich na Uingereza Harry Kane, 32, ikiwa atashinda uchaguzi wa mgombea urais wa Barcelona mwezi ujao. (ESPN)
Mshambulizi wa Argentina Tadeo Allende, 27, amejitolea kwa Inter Miami, baada ya kujiimarisha pamoja na wachezaji wenzake Lionel Messi, 38, na Luis Suárez, 39, na kiungo Rodrigo de Paul, 31. (Goal.com).