Rais wa Marekani Donald Trump ametangaza siku ya Ijumaa kwamba ataweka ushuru mpya wa kimataifa wa 10%, kujibu uamuzi wa Mahakama Kuu ambayo imeona ushuru mwingi alioweka tangu kurudi Ikulu kuwa kinyume cha sheria.
Imechapishwa:
Dakika 1 Wakati wa kusoma
Matangazo ya kibiashara
“Leo (Ijumaa), nitasaini agizo la kiutendaji la kuweka ushuru wa kimataifa wa 10% (…), ambao utakuwa nyongeza ya ushuru wetu wa kawaida uliopo tayari,” rais wa Marekani alisema. Donald Trump pia alidai kwamba uamuzi mbaya wa Mahakama Kuu ulimfanya “awe na nguvu zaidi” katika suala la udhibiti wa biashara na ushuru.
Pia alipendekeza kwamba mikataba mingi ya biashara iliyojadiliwa hivi karibuni na Marekani inaendelea kuwa halali. “Mkataba na India bado ni halali,” Donald Trump alitoa mfano wakati wa mkutano na waandishi wa habari. “Mikataba yote” inaendelea kuwa halali, “tutafanya tu kwa njia tofauti,” aliongeza.
Pia alibaini kwamba suala la kurejeshewa ushuru linaloonekana kuwa haramu lingechughulikia na mahakama kwa miaka mingi. “Tutapambana mahakamani kwa miaka mitano ijayo,” rais wa Marekani alisema, akibainisha kwamba suala hilo “halikushughulikiwa” katika uamuzi wa Mahakama Kuu.
Ushuru uliokusanywa na mamlaka ya Marekani na kulengwa na uamuzi wa Mahakama Kuu ulizidi dola bilioni 130 mwaka wa 2025, kulingana na wachambuzi.
Mahakama ya juu zaidi nchini Marekani iliamua siku ya Ijumaa, Februari 20, kwamba Donald Trump alikuwa amezidi mamlaka yake ya kikatiba kwa kuweka, mnamo mwezi Aprili 2025, ushuru unaoitwa “wa pande zote” kwa karibu bidhaa zote zinazoingia nchini. Uamuzi uliopitishwa na majaji sita dhidi ya watatu, ambao rais wa Marekani alijibu mara moja kwa kutaja uamuzi wa “fedheha” na kutangaza kuanzishwa kwa ushuru mpya wa “kimataifa” wa 10%.