Pesa za Mfuko wa madini kwa vizazi vijavyo zinakwenda wapi? Mfuko huu ambao umeundwa ili kuhakikisha maisha ya “baada ya uchimbaji madini” nchini DRC, una dhamira ya kujenga utajiri kwa manufaa ya vizazi vijavyo. Sheria iko wazi: kwa hali yoyote pesa yake haiwezi kufadhili fedha nyingine au kutumika kudhamini miradi nje ya mamlaka yake. Hata hivyo, shirika lisilo la kiserikali la African Resource Watch linahoji.
Imechapishwa:
Dakika 1 Wakati wa kusoma
Matangazo ya kibiashara
Katika ripoti iliyochapishwa siku ya Jumatatu, Septemba 29, linachunguza mamilioni ya dola zilizokusanywa, miradi iliyofadhiliwa, na waanzilishi wa matumizi haya. linatoa wito kwa ukaguzi.
Nchini DRC, Mfuko wa Uchimbaji Madini kwa Vizazi Vijavyo—Fomin—upo chini ya shirika lisilo la kiserikali la Afrewatch. Kulingana na ripoti ya Extractive Industries Transparency Initiative, Fomin imekusanya angalau dola Milioni 460. Pesa hizi zinatokana na sehemu ya 10% ya mrabaha wa madini.
Tatizo la kwanza linahusiana na uwazi. Ripoti za mfuko huo hazichapishwi kwenye tovuti yake, ingawa amri ya mwaka 2023 inahitaji hili. Tatizo la pili linahusu matumizi ya fedha hizi. Afrewatch inataja, kwa mfano, dola milioni 100 zilizotumika kufadhili bwawa la kuzalisha umeme la Katende huko Kasai, uamuzi wa Baraza la Mawaziri.
Fomin inafutilia mbali tuhuma zozote zile kuhusu ubadhirifu. Mkurugenzi wake, Faustin Biringanine, anahakikisha kwamba kila malipo yanafanywa kwa idhini ya serikali na kwamba miamala yote inaweza kufuatiliwa.
Afrewatch inaomba Mahakama ya Wakaguzi kukagua hesabu za Fomin
Lakini hali ya katika taasisi hii wakati mwingine imekuwa ya wasiwasi. Mkurugenzi wake alisimamishwa kazi na hata kufungwa kwa siku kumi mwaka jana. Akiwa ameachiliwa na kurejeshwa kwenye nafasi yake, anadai kwamba kukamatwa huku kulikusudiwa kurahisisha udanganyifu wa kifedha.
Leo, Afrewatch inaiomba Mahakama ya Wakaguzi kukagua hesabu za Fomin kuanzia mwaka 2018 hadi leo.