Nchini Rwanda, makanisa elfu kadhaa ya kiinjili yamefunga milango yao katika miaka ya hivi karibuni. Mamlaka imetekeleza kanuni kali ambazo wachungaji wanaona ni vigumu kuzifuata. Kulingana na baadhi ya wachambuzi, hii pia ni njia ya kudumisha udhibiti wa chombo kinachoweza kuwa cha propaganda.
Imechapishwa:
Dakika 1 Wakati wa kusoma
Matangazo ya kibiashara
Rais wa Rwanda Paul Kagame hajaficha maoni yake kuhusu makanisa ya kiinjili yanayoongezeka nchini.
Mwezi Novemba mwaka huu, alisema kwamba mengi ya makanisa hayo ni “mapango ya majambazi” ambao “hawafanyi chochote ila kuiba.”
Tangu mwaka 2018, mfululizo wa sheria umetumika kwa makanisa kuhusu usalama, uwazi wa kifedha, na sifa za wachungaji. Wanatakiwa, haswa, kuwa na shahada ya theolojia na kukusanya sahihi za wanachama elfu moja, jambo ambalo haliwezekani kila wakati.
Baadhi yao pia wamekosolewa kwa kushindwa kufuata viwango vya usalama wa moto au kwa ukosefu wa uwazi wa kifedha.
Lengo? Kusafisha sekta hiyo. Lakini wachambuzi, kama wakili Louis Gitinywa, pia wanaona kama hatua ya kisiasa, njia ya kudumisha udhibiti wa mahali hapa pa ibada. Kulingana naye, uwezo wa uhamasishaji wa parokia hizi unawakilisha tishio kwa serikali.
“Utawala umekuwa madarakani kwa miaka 31,” anasema, “na baadhi ya watu wanajiuliza ikiwa si wakati wa mabadiliko.”
Kulingana na vyombo vya habari vya Rwanda, zaidi ya maeneo 10,000 ya ibada yamefunga milango yake katika miaka ya hivi karibuni.