Wafahamu wanariadha wanaotarajiwa kugonga vichwa vya habari 2026

Mandhari ya michezo ulimwenguni inabadilika kwa njia ya ajabu kupitia wanariadha wenye vipaji na wenye ushawishi mkubwa.

2026, hafla kuu za michezo kama vile Kombe la Dunia la FIFA na Olimpiki ya Majira ya baridi ya Milan Cortina/Paralimpiki zitajumuisha wanariadha wengi wa ajabu.

Hivyobasi tunapokaribia Mwaka Mpya, tunaweza kutazama nyuma na kuangazia mwaka mwingine wa ajabu wa mafanikio ya michezo na wanariadha waliofanya vyema na wale wanaotarajiwa kugonga vichwa vya habari 2026.

Mnamo mwaka wa 2025, mwanariadha wa Tanzania wa mbio ndefu, Alphonse Simbu alifanikiwa kutwaa medali ya kwanza ya dhahabu ya nchi yake katika michuano ya kimataifa kwa kushinda mbio za marathon za wanaume katika Mashindano ya Riadha ya Dunia yaliyofanyika Tokyo. Pia alipata medali ya fedha kwenye mbio za Boston Marathon mapema mwakani.

Mnamo Aprili 2025, Simbu alimaliza katika nafasi bora zaidi kwa kushika nafasi ya pili katika mbio za Boston Marathon kwa muda wa 2:05:04, akimaliza nyuma ya Mkenya John Korir.

Matokeo haya yanawakilisha mambo muhimu ya msimu wake wa 2025, yakiimarisha hadhi yake kama mwanariadha aliyekamilika zaidi katika jukwaa la kimataifa.

Mnamo 2025, Melissa Jefferson-Wooden aliibuka mshindi katika mbio za kihistoria mara tatu kwenye Mashindano ya Dunia huko Tokyo, akishinda medali za dhahabu katika mbio za mita 100, 200, na mbio za 4x100m, na kuwa mwanamke wa kwanza wa Marekani kufanya hivyo na ni mwanamke wa pili tu kuwahi kufanya hivyo, kufuatia msimu mzuri.

Aliweka rekodi za ubingwa, alikimbia muda unaoongoza duniani (10.61s katika 100m, 21.68s katika 200m), na kuimarisha hadhi yake kama malkia wa mbio fupi, akiimarisha urithi wake katika historia ya riadha.

Mwaka 2025, mwanariadha wa Jamaika Oblique Seville alipata medali ya dhahabu katika fainali ya mita 100 kwa wanaume kwenye Mashindano ya Riadha ya Dunia huko Tokyo, na kupata taji lake la kwanza la kimataifa akiwa “mtu mwenye kasi zaidi duniani”

Seville alishinda fainali ya mita 100 kwa wanaume mjini Tokyo kwa muda wake bora zaidi wa sekunde 9.77.

Ushindi huu ulimaliza ukame wa miaka 10 wa Jamaica katika mbio za mita 100 kwa wanaume kwenye Mashindano ya Dunia tangu ushindi wa mwisho wa Usain Bolt mnamo 2015.

Ilia Malinin ni mwanariadha wa Marekani ambaye katika maisha yake mafupi amepata mafanikio ya riadha katika mchezo wake ambayo wengi walidhani hayawezekani.

Alikuwa wa kwanza na, kufikia 2025, mwanariadha pekee aliyepata ushindi mara nne—katika mchezo wa kuteleza (2022). Alikuwa pia wa kwanza na tena, kufikia 2025, mchezaji pekee wa kuteleza kushinda mara nne katika mashindano (2025). Anatarajiwa kuwa nyota katika timu ya Marekani katika Michezo ya 2026, ambayo itakuwa alama yake ya kwanza ya Olimpiki.

Mnamo 2025, mwanariadha wa Kenya Faith Cherotich alipata mafanikio makubwa katika mbio za mita 3,000 kuruka viunzi na maji kwa wanawake, haswa kuwa Bingwa wa Dunia na kushinda taji la Diamond League.

Cherotich alishinda medali ya dhahabu katika Mashindano ya Riadha ya Dunia huko Tokyo, Japani, mnamo Septemba 2025. Aliweka rekodi ya muda ya ubingwa ya 8:51.59.

Alikuwa mchezaji mwenye umri mdogo zaidi kuteuliwa kuwania taji la Ballon d’Or (akiwa na umri wa miaka 17) na pia alishinda Kombe la Kopa mwaka 2024 na 2025, lililotolewa kwa mchezaji bora chipukizi duniani.

Mchezaji wa Barcelona na Uhispania Lamine Yamal ameshinda tuzo ya Golden Boy 2024.

Tuzo hiyo iliyoanzishwa na gazeti la Italia la Tuttosport, hutolewa kwa mchezaji bora wa Ulaya kwa wanaume chini ya umri wa miaka 21, huku waandishi wa habari wakipiga kura kwa kutumia mfumo wa pointi.

Yamal, 17, alijiimarisha katika kikosi cha kwanza cha Barcelona msimu uliopita kabla ya kuisaidia Uhispania kushinda Euro 2024.

Winga huyo alifunga bao moja na kusaidia mengine manne huku akitajwa kuwa mchezaji chipukizi bora wa michuano hiyo.

Mnamo Oktoba Yamal alishinda Kombe la Kopa, zawadi sawa na iliyotolewa wakati wa sherehe ya Ballon d’Or ya 2024.

Mnamo 2025, Faith Kipyegon alishinda medali ya kihistoria ya Dhahabu katika mbio za mita 1500 katika michezo ya Dunia mjini Tokyo, taji lake la nne la dunia, na Medali ya Fedha katika mbio za mita 5000, na kuwa mwanamke wa kwanza kushinda mataji manne ya dunia kwa kukimbia kwa masafa na kupata ubabe wa Kenya kwenye michuano hiyo.

Pia alivunja rekodi yake ya dunia katika mbio za 1500m mapema mwaka katika Eugene Diamond League.

Kipyegon alivunja rekodi za dunia katika mbio za mita 1,500, 5,000 na maili kando na kushinda mara mbili dhahabu ya mita 1,500 na 5,000 kwenye Mashindano ya Dunia.

Kuelekea 2026, Kipyegon anapendelea zaidi kushinda medali za dhahabu katika mbio za mita 1,500 na kuna matumaini kwamba rekodi zaidi zitaporomoka.

Mbappé alifunga mabao ya aina zote mnamo 2025, kutoka kwa roketi za masafa marefu hadi magoli mazuri ya pekee. Mbappé alifunga kwenye LaLiga, Ligi ya Mabingwa, Kombe la Dunia la Klabu, Copa del Rey na Kombe la Super Cup la Uhispania. Je, ni goli gani alilolipenda ?

Licha ya kushuka kwa kiwango cha mchezo cha wachezaji kama vile Vinicius Junior na Rodrygo, na majeraha kwa Jude Bellingham, Mbappe aliendelea kuchukua fursa iliokuwepo 2025.

Mchezaji huyo mwenye umri wa miaka 27 alifunga kwa mkwaju wa penalti dhidi ya Sevilla katika mchezo wa mwisho wa Madrid wa 2025, na kumfanya kufikia rekodi ya Cristiano Ronaldo ya kufunga mabao mengi zaidi katika mwaka wa kalenda kwa klabu hiyo.

Ingawa ulikuwa mwaka adimu wa kutotwaa taji kwa Los Blancos, ni sawa kusema Mbappe alitekeleza jukumu lake katika kutafuta magoli.

Mnamo 2025, Beatrice Chebet alijishindia medali ya dhahabu mara mbili na kuweka historia kwenye Mashindano ya Dunia huko Tokyo, akishinda mataji yote mawili ya mita 5000 na 10,000, na kumfanya kuwa mwanamke wa kwanza kushikilia taji la Olimpiki, taji la dunia la mita 10,000 na 5000 kwa wakati mmoja, na pia kuweka rekodi mpya ya ulimwengu ya 5000m.

Aliimarisha utawala wake kwa kuongeza medali za dhahabu za ubingwa wa dunia kwa ushindi wake wa Olimpiki, na kuwa bingwa mara tatu katika masafa yote mawili, na alitambuliwa nq kupewa taji la udaktari wa heshima.

Alifanikiwa kutetea taji lake la Diamond League katika hafla hiyo, na kupata ushindi wa pili mfululizo katika fainali iliyofanyika Zurich, Uswizi.