Wakati Sudan ikikamilisha siku 1,000 za vita vya wenyewe kwa wenyewe mwishoi mwa wiki hii iliyopita, Waziri Mkuu ametangaza siku ya Jumapili, Januari 11, kurudi rasmi kwa serikali katika mji mkuu, Khartoum. Vikosi vya serikali vilikuwa vimefukuzwa na wanamgambo wa Vikosi vya Msaada wa Haraka (RSF) mnamo mwezi Aprili 2023 kabla ya kupata tena udhibiti baada ya miaka miwili ya mapigano.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
“Tumerudi leo […], serikali ya matumaini inarudi katika mji mkuu wa Sudan,” Waziri Mkuu wa Sudan Kamel Idris aliwaambia waandishi wa habari siku ya Jumapili, Januari 11. Serikali ya Sudan ililazimika kuondoka Khartoum kwenda Port Sudan katika miezi ya mwanzo ya vita vya wenyewe kwa wenyewe, mnamo Aprili 2023, kabla ya vikosi vya Jenerali al-Burhan kufanikiwa kupata tena udhibiti, wilaya kwa wilaya, katika kipindi cha miezi kadhaa ya mapigano, hadi “ukombozi” wa jiji ulipotangazwa mnamo mwezi Machi 2025.
Mwanadiplomasia Kamel Idris aliteuliwa kuwa waziri mkuu miezi miwili baadaye. Leo, pia ameahidi kurejea kwa huduma za umma katika mji mkuu pamoja na ujenzi mpya wa hospitali, shule, na mitandao ya maji, umeme, na usafi wa mazingira. Lengo ni kuboresha hali ya maisha katika jiji kuu ambalo miundombinu yake imeharibiwa na ambayo, kulingana na Umoja wa Mataifa, imeshuhudia kurejea kwa zaidi ya watu milioni moja katika miezi ya hivi karibuni, kati ya zaidi ya milioni 3.7 waliokimbia Khartoum kutokana na vita. Kamel Idris hatimaye alitangaza mwaka 2026 “mwaka wa amani,” amani “kwa wenye ujasiri na washindi.”
Tangazo hili la ishara kubwa la kurejea kwa taasisi Khartoum linakuja kama mstari wa mbele katika mzozo kati ya jeshi la serikali na Vikosi vya Msaada wa Haraka (RSF) sasa viko kusini mwa nchi, huko Kordofan, ambapo jeshi linasonga mbele dhidi ya muungano wa wanamgambo na wanamgambo wa ndani wa SPLM-N, kama ilivyoelezwa na Marc Lavergne, mkurugenzi wa utafiti katika shirika la CNRS na mtaalamu katika Pembe ya Afrika.
Ni ishara fulani, lakini kama vitu vyote vya mfano, ni ujumbe muhimu kwa sababu unaonyesha nia ya serikali ya kujitangaza kama mamlaka pekee halali nchini Sudan.