Aina 10 ya nyoka wenye sumu na hatari zaidi duniani

Baadhi ni hatari sana na wengine hawawezi kukuletea madhara yoyote.

Baadhi ni nyembamba kama tambi, wengine ni wazito kiasi cha kuweza kumeza mbuzi mzima au nguruwe.

Sophia Quaglia anaandika katika BBC Earth kwamba nyoka wanaaminika kujitenga na mijusi wa kale yapata miaka milioni 170 iliyopita na kisha kupoteza miguu yao.

Utafiti wa maumbile unaonesha kwamba babu wa kweli wa nyoka anaweza kuwa mjusi mrefu, mwembamba na vidole vifupi. Mnyama huyu aliishi katika misitu yenye joto ya Laurasia, bara ambalo leo limegawanywa Amerika Kaskazini, Greenland, Ulaya na Asia.

Kuna aina 3900 za nyoka zinazopatikana duniani kote, lakini ni 725 tu kati yao ni sumu.

Na kati ya hizi, spishi 250 zinaweza kumuua mwanadamu kwa kuumwa mara moja. Nyoka ambao hawana sumu pia wanaweza kuua wanadamu, lakini kesi kama hizo ni nadra. Kifo kimoja au viwili kila mwaka. Kwa mfano, chatu wanaweza kuua mawindo yao kwa kujifunga karibu nayo na kuinyonga.

Tunapozungumzia nyoka wenye sumu, inaweza kuwa na maana mbili.

Kwanza, nyoka anayeua watu wengi zaidi, au nyoka ambaye ana sumu zaidi, yaani, yule mwenye sumu kali zaidi. Mambo haya mawili ni tofauti.

Inawezekana kwamba nyoka mwenye sumu kali zaidi au hatari zaidi haishi karibu au kati ya wanadamu au hawezi kuwa mkali.

Mbali na vifo, kuumwa na nyoka kunaweza kusababisha necrosis ya tishu, ambayo inaweza kuhitaji kuondolewa kwa sehemu ya mwili.

Mtafiti wa tabia za wanyama na mwandishi wa sayansi Leoma Williams anaorodhesha nyoka kumi hatari na wenye sumu kali zaidi duniani katika jarida la BBC la wanyamapori la Discover Wildlife:

Saw scaled viper ni nyoka anayepatikana Mashariki ya Kati na Asia ya Kati na ni mkali sana.

Nyoka huyu, ambaye anachukuliwa kuhusika kuua idadi kubwa ya watu kila mwaka, hupatikana katika maeneo yenye watu wengi, hivyo huwa hatari zaidi kwa wanadamu.

Nchini India, nyoka huyu husababisha takribani vifo elfu tano kila mwaka.

Linapokuja suala la nyoka mwenye sumu zaidi, Inland Taipan yuko mstari wa mbele. Nyoka huyu, anayepatikana Asia ya Kati na Australia, huwinda panya hasa.

Inasemekana kuwa kuumwa na nyoka huyu kunaweza kuua watu mia moja. Hatahivyo, tofauti na Nyoka wa Saw Scalded, hahusiki na vifo.

Hii ni kwa sababu anaishi zaidi katika maeneo ya mbali na chini ya ardhi, mbali na makazi ya watu.

Koboko (Black Mamba) ni nyoka hata mfalme wa porini simba hujisalimisha mbele yake. Nyoka huyu anayepatikana Afrika, Kusini mwa Jangwa la Sahara ni mkali zaidi kuliko Taipan.

Nyoka huyu, ambaye kwa kawaida hukaa mbali na wanadamu, huinuka anapohisi hatari na kushambulia kwa kasi ya umeme. Ikiwa matibabu hayatolewa, mtu anaweza kufa ndani ya nusu saa ya kuumwa kwake.

Nyoka wa Russell, pamoja na nyoka wa Kihindi, krait wa kawaida na nyoka mwenye umbo la saw, wanaunda ‘Big Four’. Nyoka hawa wanne wanahusika na vifo vingi zaidi katika bara Hindi.

Nyoka wa Russell anapouma, husababisha maumivu makali. Inasemekana kuwa ni makali sana na ya haraka haraka. Nyoka huyu anahusika na 43% ya matukio ya kung’atwa na nyoka nchini India.

Nyoka huyu, mmoja wa wanaoitwa Big Four, ana sumu kali na uwezekano wa kifo kutokana na kuuma kwake ni 80%.

Sumu yake ina neurotoxins ambayo inaweza kusababisha kupooza kwa misuli, kushindwa kupumua na hata kifo.

Inakula nyoka wengine, panya na vyura. Nyoka huyu mara chache hukutana uso kwa uso na wanadamu lakini ukimkanyaga gizani, hakika atashakumbulia.

Swila (cobra) ni mmoja wa nyoka hatari zaidi nchini India. Hapo awali nchini India, waganga wa nyoka walikuwa wakizurura na nyoka huyu katika kila mtaa.

Nyoka huyu ni mwenye sumu na mkali. Pia, anaishi ndani au karibu na makazi ya watu kwa sababu mawindo yake makubwa ni panya, ambao hupatikana kwa wingi katika makazi haya. Ndio maana hukutana sana na binadamu.

Mbali na Bara Hindi, Puff Adder mkubwa na wa kutisha inapatikana barani Afrika.

Akiwa wa familia ya nyoka, nyoka huyu ndiye anayeua zaidi ikilinganishwa na nyoka wengine wote wa Kiafrika.

Anapoogopa, anakabiliana badala ya kukimbia. Na mara nyingi hupatikana amepumzika mahali ambapo watu hupita.

Pia hutoa onyo kabla ya kushambulia. Huongeza ukubwa wa mwili wake na kutoa sauti ya kuzomea.

Nyoka huyu hupatikana katika misitu ya Australia. Hujificha kati ya majani na kushambulia wakati mawindo yake yanafika.

Katika hali kama hiyo, inakuwa hatari sana kwa wale watu ambao hukanyaga kwa bahati mbaya wakati wa kutembea katika maeneo kama haya. Sumu yake inatosha kuua na katika 60% ya kesi, husababisha kifo.