Kamanda Mkuu wa Jeshi wa Iran, Meja Jenerali Amir Hatami amesisitiza kuwa, taifa hili limejiweka sawa na tayari kutoa jibu zito na la haraka dhidi ya vitisho na vitendo vyovyote vya uhasama vya maadui dhidi yake.
Meja Jenerali Hatami ameyasema hayo hapa mjini Tehran na kubainisha nafasi ya kistratijia ya Jeshi la Iran katika kulinda uhuru wa nchi, mamlaka ya kujitawala na mfumo wa Jamhuri ya Kiislamu.
Kamanda huyo mkuu wa jeshi wa Iran ameueleza utayarifu wa vikosi vya Jamhuri ya Kiislamu kuwa wa kudumu na wa thamani kubwa, akisisitiza kwamba hatua yoyote ghalati ya maadui itakabiliwa na jibu la nguvu na madhubuti.
Akiashiria vita vya kutwishwa vya Israel dhidi ya ardhi ya Iran katikati ya mwezi Juni mwaka huu, Kamanda Hatami amesifu na kupongeza uelewa na moyo wa kujitolea wa wananchi wa Iran.
Kamanda huyo mwandamizi wa jeshi la Iran amesisitiza kuwa, Jamhuri ya Kiislamu ilishinda katika vita vya siku 12 vya kichokozi vilivyoanzishwa na Marekani na utawala wa Israel mwezi Juni, na ilifanikiwa kuwalazimisha maadui wasalimu amri.
Wakati huo huo, Mkuu wa Majeshi ya Iran, Meja Jenerali Abdolrahim Mousavi amesema vikosi vya jeshi la Iran vimejiandaa kikamilifu kujibu tishio lolote au kitendo chochote cha uchokozi dhidi ya taia hili.
Meja Jenerali amesema hayo alipokutana na Kamanda wa Jeshi la Walinzi wa Mapinduzi ya Kiislamu (IRGC) Meja Jenerali Mohammad Pakpour leo Jumapili ili kujadili uwezo na utayarifu wa vikosi vya jeshi la Iran.