Wanaume hao waliokamatwa kuhusiana na shambulizi hilo lililowauwa watu 12 na kuwajeruhi wengine 28, wanashukiwa kuwa wanachama wa kundi lililoharamishwa la Tehrik-e-Taliban Pakistan, au TTP, ambalo ni tofauti lakini lenye mafungamano na lile la Taliban nchini Afghanistan.
Kwenye chapisho katika mtandao wa X, serikali imesema mmoja wa washukiwa hao, Sajid Ullah, anaaminika kubeba bomu lililotumika katika shambulizi hilo lililofanyika siku ya Jumanne.
Watu hao wanne wamezuiliwa kutokana na operesheni jumuishi
Watu hao walizuiwa wakati wa operesheni ya pamoja ya idara ya ujasusi ya nchi hiyo pamoja na Taasisi ya Kupambana na Ugaidi.
Kukamatwa kwao kumekuja siku moja baada ya Waziri wa Mambo ya Ndani wa Pakistan Mohsin Naqvi kusema raia wa Afghanistan walifanya mashambulizi ya kujitoa mhanga kufa mjini Islamabad na kaskazini magharibi mwa Pakistan mapema wiki hii.