Leo ni Jumatano 5 Mfunguo Tisa Jamadithani 1447 Hijria mwafaka na tarehe 26 Novemba 2025 Milaadia.
Siku kama ya leo miaka 1019 iliyopita, inayosadifiana na tarehe na tarehe 5 Mfunguo Tisa Jamadi Thani mwaka 428 Hijria, alifariki dunia Abul Hassan Mahyar Deilami, mshairi na mwandishi mashuhuri wa Kiirani.
Awali msomi huyo alikuwa mfuasi wa dini ya Kizartoshti, hata hivyo kutokana na kupata elimu na miongozo kutoka kwa wasomi mashuhuri katika zama zake, hatimaye alisilimu na kuingia katika dini ya Kiislamu. Kwa muda mrefu Deilami alisoma kwa mwalimu wake Sayyid Radhi na kukkuza kupaji chake cha utunzi wa mashairi. Baadaye, akawa mmoja wa washairi wakubwa wa zake zake na akatunga mashairi mengi ya kuwasifu viongozi wa dini ya Kiislamu.
Miongoni mwa kazi za Mahyar Deylami, tunaweza kutaja diwani yake ya mashairi, iliyoandikwa kwa lugha ya kiarabu katika juzuu nne.
Katika siku kama ya leo miaka 827 iliyopita, aliaga dunia huko Damascus Syria Ibn Qudamah al Maqdisi, fakihi na mpokezi Hadithi wa Kiislamu.
Ibn Qudamah alihitimu masomo yake ya awali huko Damascus ambapo alijifunza Qur’ani na Hadithi. Baadaye alifanya safari huko Baghdad katika Iraq ya leo na kuhudhuria masomo ya maulama na wanazuoni wakubwa katika zama hizo.
Ibn Qudamah hakuwa nyuma pia katika uwanja wa uandishi wa vitabu na amevirithisha vizazi vilivyokuja baada yake vitabu vyenye thamani kubwa. Kitabu cha Raudhatun Naadhir ni moja tu kati ya vitabu hivyo.
Miaka 775 iliyopita katika siku kama ya leo kwa mujibu wa kalenda ya Hijria, aliaga dunia Maulana Jalaluddin Balkhi maarufu kwa jina la Moulavi mmoja wa malenga na washairi mahiri wa Iran.
Moulavi alikuwa mshairi mkubwa na mwenye uwezo na kipaji kikubwa katika karne ya 7 Hijria. Alizaliwa mwaka 604 Hijria katika mji wa Balkhi kaskazini mwa Afghanistan ya leo.
Miongoni mwa athari kubwa za Maulana au Jalaluddin Balkhi ni kitabu cha mashairi cha Masnavi Maanavi na Fihi Maa Fihi.
Katika siku kama ya leo miaka miaka 170 iliyopita, Adam Bernard Mickiewicz mshairi na mwandishi mkubwa wa Kipoland aliaga dunia huko Istanbul uliokuwa mji mkuu wa utawala wa Othmania.
Alizaliwa mwaka 1798. Kama alivyokuwa baba yake, Mickiewicz naye alikuwa mtu aliyekuwa akipigania uhuru. Aliishi katika zama ambazo nchi yake ya Poland ilikuwa imegawanywa na madola ya Prussia, Russia na Austria na alikuwa akifanya jitihada ili nchi yake iungane tena na kuwa kitu kimoja.
Ni kutokana na sababu hiyo ndiyo maana mwaka 1823 alibaidishiwa nchini Russia. Baada ya miaka 6, Adam Mickiewicz alikimbilia nchini Ufaransa na kuanza kufundisha fasihi ya lugha.
Siku kama ya leo miaka 46 iliyopita, jeshi la kujitolea la wananchi (Basiji) liliundwa kutokana na amri ya Imam Khomeini mwasisi wa Jamhuri ya Kiislamu ya Iran ya kuundwa jeshi la watu milioni 20 nchini Iran.
Taasisi hiyo ya wananchi kutoka matabaka mbalimbali ya kijamii, kwa kuwa na wapiganaji wenye imani, moyo wa kujitolea na ari ya kuchapakazi imekuwa na nafasi muhimu katika matukio mbalimbali ya Mapinduzi ya Kiislamu hasa kipindi chote cha vita vya kujihami kutakatifu vya taifa la Iran dhidi ya uvamizi wa Iraq.
Jeshi la Basiji bado linashiriki katika masuala mbalimbali ya kijamii, kiutamaduni na kijeshi hapa nchini Iran.
Siku kama ya leo miaka 13 iliyopita Joseph Edward Murray, mwanzilishi wa upandikizaji wa figo duniani, alifariki dunia.
Murray alizaliwa Aprili 1, 1919 huko Massachusetts, nchini Marekani. Hadi mwanzoni mwa miaka ya 1950, hakuna upandikizaji wa viungo uliokuwa umefanyika duniani hadi Dk. Murray na wenzake katika Hospitali ya Peter’s huko Boston walipofanikiwa kufanya hivyo kwa mbwa, kwa kutumia mbinu mpya.
Desemba 1954, walifanya upandikizaji wa kwanza kwa pacha waliofanana, Richard na Ronald Herrick waliokuwa na umri wa miaka 23, wakati Ronald Lee Herrick alipotoa figo yake moja kwa pacha wake aliyekuwa akikaribia kuaga dunia hapo mwaka wa 1954. Lee Herrick alitambuliwa kuwa mtu wa kwanza duniani kuchangia moja ya viungo vyake kwa mtu mwingine.
