Maria Zakharova Msemaji wa Wizara ya Mambo ya Nje ya Russia amesema kuwa nchi hiyo ipo tayari kusaidia na kuung amkono juhudu za nigeria za kupambana na ugaidi. Bi Zakharova aidha amepongeza jitihada kubwa za serikali ya Abuja za kukabiliana na makundi yenye misimamo mikali.
Msemaji wa Wizara ya Mambo ya Nje ya Russia amebainisha kuwa msimamo wa Moscow haujabadilika na kwamba ugaidi ni tishio la kimataifa.
Amesisitiza kuwa Russia ipo tayari kutoa msaada kwa kushirikiana na jamii ya kimataifa, mashirika ya Umoja wa Mataifa na Umoja wa Afrika.
” Russia imejitayarisha kuendelea kutoa msaada unaohitajika kwa washirika wake wa Nigeria,” amesema Maria Zakharova.
Msemaji wa Wizara ya Mambo ya Nje ya Russia amesema kuwa raia, wakiwemo wanawake na watoto, serikali na watumishi wa umma wanaendelea kuteseka zaidi kutokana na mashambulizi ya makundi yanayobeba silaha.
Nigeria inakabiliwa na machafuko ya mara kwa mara ya makundi yawanamgambo wanaobeba silaha ikiwa ni pamoja na kundi la kigaidi la Boko Haram, ambalo likifanay hujuma mbalimbali tangu mwaka 2002 katika Jimbo la Borno.
Kundi la Boko Haram linaendeleza hujuma na mashambulizi mbalimbali huko Nigeria licha ya jeshi la Nigeria kukabiliana vikali na kulisababishai maafa kundi hilo mwaka 2015.
Hii ni katika hali ambayo, mashambulizi mapya dhidi ya shule huko Nigeria yamepelekea mamlaka husika kutangaza kuzifunga shule na taasisi za elimu katika majimbo kadhaa, na kumlazimu Rais Bola Tinubu wa Nigeria kuakhirisha safari yake nchini Afrika Kusini kwa ajili ya kushiriki mkutano wa G20 mapema mwezi huu kutokana na kuongezeka kwa wasiwasi wa usalama nchini humo.