Kufuatia kushindwa kwa mkakati wake wa kiuchumi, Donald Trump alitangaza Jumamosi, Februari 21, kwamba angeweka kizuizi cha biashara cha kimataifa cha 10%, kisha 15%, kwa ulimwengu mzima. Mahakama Kuu ya Marekani ilifuta sehemu kubwa ya ushuru ambao Donald Trump aliweka kwa nchi kadhaa siku iliyopita. Nchini Mexico na Brazil, habari hizo zilipokelewa tofauti, kuanzia matumaini hadi tahadhari.
Imechapishwa: Imehaririwa:
Dakika 2 Wakati wa kusoma
Matangazo ya kibiashara
Kwa Mexico, hii ina maana ya mwisho wa ushuru wa 12.5% unaotekelezwa na Marekani kwa jina la kupambana na biashara haramu ya dawa za kulevya na uhamiaji, anaripoti mwandishi wetu katika Jiji la Mexico, Gwendolina Duval. Hata hivyo, ushuru mwingine unatumika kwa sababu zingine: kwa alumini na magari nje ya makubaliano ya biashara, na utaendelea kutumika. Mabadiliko haya na wimbi jipya la ushuru yatachambuliwa na jirani yake Mexico kwa “hali isiyotemewa” sawa na kawaida.
Hadi sasa, nchi hiyo imeendelea vizuri chini ya sera za kiuchumi za Donald Trump. Kufuatia mkataba wa biashara huria wa Amerika Kaskazini, Mexico inalipa kidogo sana katika ushuru wa forodha. Kwa wastani, chini sana kuliko Ulaya, India, au China, kulingana na Marcelo Ebrard, Waziri wa Uchumi wa Mexico. “Nchini Mexico, 85% ya mauzo yetu ya nje hayatozwi ushuru wa forodha.”
“Endeleeni kuwa watulivu”
Katika mkutano na waandishi wa habari na wawekezaji, waziri alibainisha utegemezi wa kiuchumi wa majirani hao wawili na kuhimiza utulivu. “Chukueni mtazamo wa zen, endeleeni kuwa watulivu. Tutapitia hili kutokana na kiasi cha biashara tuliyo nayo na Marekani. Kumbukeni kwamba sisi ndio wauzaji nje wengi zaidi wa Marekani, lakini pia mnunuzi wake mkubwa zaidi. Na hilo linatutofautisha na nchi zingine zinazouza kwa Marekani.” »
Mnamo mwaka 2025, biashara kati ya Mexico na Marekani ilifikia viwango vya kihistoria. Wakati huo huo, majadiliano yanayohusu marekebisho ya Mkataba wa Biashara Huria wa Amerika Kaskazini (NAFTA) yanazidi kuimarika, huku mapitio yakipangwa kufanyika majira ya joto ya mwaka 2026.
Matumaini zaidi ya tahadhari nchini Brazil
Brazil, kwa upande wake, inaonyesha tahadhari, katika sekta binafsi na kwa upande wa serikali, anaripoti mwandishi wetu huko São Paulo, Martin Bernard. Ushuru huu mpya unaiweka nchi katika kiwango sawa na washindani wake, kwani bidhaa nyingi za Brazil hapo awali zilitozwa ushuru kwa 40%.
Kutoka India, ambapo anaandamana na Rais Lula katika ziara rasmi, Waziri wa Fedha wa Brazil Fernando Haddad alichukua msimamowya kisiasa zaidi, akisema kwamba nchi yake ilitaka “uhusiano uliokomaa” na Marekani, huku akiongeza kwamba Brazil haitakuwa “uwanja wa nyuma” wa mtu yeyote.
Lakini inajulikana kwamba Donald Trump ana mbinu zaidi ya moja. Brazil bado inalengwa na uchunguzi nchini Marekani kwa madai ya biashara haramu, bila kusahau ushuru wa chuma na alumini. Hii ndiyo sababu sekta binafsi inabaki kuwa makini sana na bado inaimani na mazungumzo ya moja kwa moja na utawala wa Trump.