Matokeo kutoka kwa tume ya uchaguzi ya Myanmar yanaonyesha kuwa chama kinachoungwa mkono na jeshi kilipata ushindi mkubwa katika uchaguzi mkuu, na kupata wingi wa viti katika mabaraza yote mawili ya bunge.
Kulingana na matokeo ya kuhesabu kura hadi kufikia Januari 29, Chama cha Union Solidarity and Development, au USDP, kimepata viti 339 kati ya viti 586 katika mabaraza yote ya bunge.
Kuongeza robo moja ya viti vilivyotengwa kikatiba kwa ajili ya jeshi kunafanya jumla ya viti vinavyoshikiliwa na kambi zinazounga mkono jeshi hadi takribani asilimia 86. Utawala mpya wenye ushawishi mkubwa wa kijeshi unatarajiwa kuanzishwa mapema mwezi Aprili.
Upigaji kura ulifanyika kwa awamu tatu, kuanzia mwishoni mwa Desemba na kumaliza Januari 25.
Jeshi lilikuwa linasimamia uchaguzi, likidai ulikuwa ni mpito kuelekea utawala wa kiraia. Jeshi limekuwa madarakani tangu lilipochukua udhibiti katika mapinduzi ya kijeshi miaka mitano iliyopita.
Lakini vyama vinavyounga mkono demokrasia vilikuwa vimefungiwa kupigiwa kura. Hili lilisababisha ukosoaji wa kimataifa kuendelea kuhoji uhalali wa uchaguzi huo, huku wengi wakiuita “uongo.”