Waandamanaji hao walijumisha viongozi wa kisiasa na wahubiri wakuu wa Kiislamu kutoka India, Pakistan, Saudi Arabia na Misri.
Baadhi ya waandamanaji walivaa fulana zilizoandikwa, “Ahmadiya lazima watangazwe makafiri.” Bango moja lilitoa wito wa kutunga sheria dhidi ya dhehebu hilo.
Wanazuoni wa Kiislamu wenye msimamo mkali mara nyingi hulishtumu dehebu hilo na kuitaja imani yao kwa mtume Muhammad kuwa ni kufuru.
Jamii ya Ahmadiya yasema dini inatumika kama silaha ya kisiasa
Ahmad Tabshir Choudhury, msemaji wa jamii hiyo ya Ahmadiya nchini Bangladesh, amepuuzilia mbali hoja za kidini dhidi yao. Ameliambia shirika la habari la AFP kwamba dini inatumika kama silaha ya kisiasa.
Ameongeza kuwa licha ya hofu ya kushambuliwa, jamii ya dhehebu hilo hawataiacha imani yao. Jamii ya Ahmadiya ina idadi ya chini ya asilimia moja ya watu nchini Bangladesh.