Kulingana na polisi nchini humo, takribani watu elfu ishirini na saba kutoka jumuiya ya dini ya Kikristo wamekusanyika katika Uwanja wa Rizal wakiwa wamevalia mavazi meupe na kubeba mabango yanayopinga ufisadi.
Hasira za wananchi zimeongezaka baada ya kugundulika kuwa maelfu ya miradi ya miundombinu ya kuzuia mafuriko ilijengwa chini ya kiwango huku mingine haikutekelezwa kabisa huku kampuni za ujenzi zikidaiwa kutoa rushwa kubwa kwa wanansiasa ili kupata kandarasi hizo.
Polisi wakisaidiwa na jeshi wameweka ulinzi mkali na kupeleka maelfu ya askari kwenye maandamanao hayo, ingawa serikali inatarajia kuwa yatakuwa ya amani.
Rais Ferdinand Marcos Jr. amesema baadhi ya wafanyabiashara na wanasiasa waliohusika katika kashfa hizo watafikishwa mahakamani mara moja. Tayari tume aliyoiunda imewasilisha mashtaka dhidi ya watu zaidi 120, wakiwemo wakurugenzi wa kampuni za ujenzi.