Akitoa hukumu hiyo katika mahakama iliyokuwa imejaa watu na chini ya ulinzi mkali  ambayo pia ilitangazwa moja kwa moja kwenye televisheni ya taifa, Jaji  Golam  Mortuza Mozumder amesema vigezo vyote vinavyochangia uhalifu dhidi ya ubinadamu vimetekelezwa.

Hata hivyo akizungumzia hukumu hiyo katika taarifa yake aliyotoa akiwa mafichoni nchini India, Hasina ameitaja kuwa ya upendeleo na iliyochochewa kisiasa.

Amesema hukumu hiyo dhidi yake imetolewa na mahakama isiyo huru na kusimamiwa na serikali ambayo haikuchaguliwa na isiyokuwa na mamlaka ya kidemokrasia .

Hasina hakuhudhuria kesi dhidi yake

Hasina, mwenye umri wa miaka 78, alikaidi maagizo ya mahakama kwamba arudi kutoka India kuhudhuria kesi hiyo dhidi yake .

Aliwakilishwa na wakili aliyeteuliwa na serikali ambaye aliambia mahakama kuwa mashtaka dhidi yake hayana msingi na kuomba kuachiliwa kwake.

Hatahivyo hukumu hiyo inaweza kukatiwa rufaa katika Mahakama ya Juu.

Wakati wa kusikilizwa kwa kesi hiyo, waendesha mashtaka waliiambia mahakama kwamba walikuwa na ushahidi wa amri ya Hasina ya moja kwa moja ya kutumia nguvu ya kupitiliza kukandamiza uasi ulioongozwa na wanafunzi mnamo Julai na Agosti 2024.

Mkesha wa hukumu hiyo, mwanawe Hasina ambaye pia ni mshauri wake, Sajeeb Wazed, aliliambia shirika la habari la Reuters kwamba hawatakata rufaa hadi wakati ambapo serikali ya kidemokrasia itakapochukuwa madaraka kwa ushiriki wa chama cha Hasina cha Awami League.

Hukumu hiyo pia inakuja miezi kadhaa kabla ya uchaguzi wa bunge unaotarajiwa kufanyika mapema Februari.

Chama hicho cha Awami League kimezuiwa kugombea uchaguzi huo na inahofiwa kuwa hukumu hiyo ya leo inaweza kuzusha machafuko mapya kabla ya kura.

Bangladesh imekuwa katika hali ya wasiwasi

Kabla ya hukumu hiyo ya leo, Bangladesh imekuwa na wasiwasi huku kukiwa na takriban milipuko 30 ya mabomu na magari 26 kuteketezwa nchini humo katika siku chache zilizopita.

Hakuna majeruhi walioripotiwa.

Kulingana na ripoti ya Umoja wa Mataifa, takriban watu 1,400 huenda waliuawa wakati wa maanadamano ya kati ya Julai 15 na Agosti 5 huku maelfu ya wengine wakijeruhiwa wengi wao kwa risasi kutoka kwa vikosi vya polisi katika kile kinachotajwa kuwa ghasia mbaya zaidi nchini Bangladesh tangu vita vyake vya uhuru mwaka 1971.

Akitoa hukumu hiyo katika mahakama iliyokuwa imejaa watu na chini ya ulinzi mkali  ambayo pia ilitangazwa moja kwa moja kwenye televisheni ya taifa, Jaji  Golam  Mortuza Mozumder amesema vigezo vyote vinavyochangia uhalifu dhidi ya ubinadamu vimetekelezwa.

Hata hivyo akizungumzia hukumu hiyo katika taarifa yake aliyotoa akiwa mafichoni nchini India, Hasina ameitaja kuwa ya upendeleo na iliyochochewa kisiasa.

Amesema hukumu hiyo dhidi yake imetolewa na mahakama isiyo huru na kusimamiwa na serikali ambayo haikuchaguliwa na isiyokuwa na mamlaka ya kidemokrasia .

Hasina hakuhudhuria kesi dhidi yake

Hasina, mwenye umri wa miaka 78, alikaidi maagizo ya mahakama kwamba arudi kutoka India kuhudhuria kesi hiyo dhidi yake .

Aliwakilishwa na wakili aliyeteuliwa na serikali ambaye aliambia mahakama kuwa mashtaka dhidi yake hayana msingi na kuomba kuachiliwa kwake.

Hatahivyo hukumu hiyo inaweza kukatiwa rufaa katika Mahakama ya Juu.

Wakati wa kusikilizwa kwa kesi hiyo, waendesha mashtaka waliiambia mahakama kwamba walikuwa na ushahidi wa amri ya Hasina ya moja kwa moja ya kutumia nguvu ya kupitiliza kukandamiza uasi ulioongozwa na wanafunzi mnamo Julai na Agosti 2024.

Mkesha wa hukumu hiyo, mwanawe Hasina ambaye pia ni mshauri wake, Sajeeb Wazed, aliliambia shirika la habari la Reuters kwamba hawatakata rufaa hadi wakati ambapo serikali ya kidemokrasia itakapochukuwa madaraka kwa ushiriki wa chama cha Hasina cha Awami League.

Hukumu hiyo pia inakuja miezi kadhaa kabla ya uchaguzi wa bunge unaotarajiwa kufanyika mapema Februari.

Chama hicho cha Awami League kimezuiwa kugombea uchaguzi huo na inahofiwa kuwa hukumu hiyo ya leo inaweza kuzusha machafuko mapya kabla ya kura.

Bangladesh imekuwa katika hali ya wasiwasi

Kabla ya hukumu hiyo ya leo, Bangladesh imekuwa na wasiwasi huku kukiwa na takriban milipuko 30 ya mabomu na magari 26 kuteketezwa nchini humo katika siku chache zilizopita.

Hakuna majeruhi walioripotiwa.

Kulingana na ripoti ya Umoja wa Mataifa, takriban watu 1,400 huenda waliuawa wakati wa maanadamano ya kati ya Julai 15 na Agosti 5 huku maelfu ya wengine wakijeruhiwa wengi wao kwa risasi kutoka kwa vikosi vya polisi katika kile kinachotajwa kuwa ghasia mbaya zaidi nchini Bangladesh tangu vita vyake vya uhuru mwaka 1971.