Viongozi hao wa mataifa yenye uchumi mkubwa zaidi barani Ulaya watatoa wito huo katika mkutano mjini Berlin, ambao pia utahudhuriwa na wakurugenzi wakuu wa kampuni kubwa za kikanda ikiwa ni pamoja na kampuni ya Ufaransa ya Mistral na kampuni kubwa ya programu ya Ujerumani, SAP.
Ujumbe mkuu wa mkutano mjini Berlin
Hapo jana, Waziri wa Dijitali wa Ujerumani, Karsten Wildberger, alisema ujumbe wa msingi wa mkutano huo utakuwa kwamba “Ulaya iko tayari kuunda mustakabali wake wa kidijitali, ili kupunguza utegemezi”.
Badaye wiki hii, Umoja huo wa Ulaya utapendekeza kurejeshwa kwa sheria kuhusu matumizi ya akili mnemba na ulinzi wa data, mada ambayo inatarajiwa kuangaziwa sana katika mkutano wa leo.