Waraka ulioonekana na shirika la habari la AFP, umesema malalamishi hayo yaliwasilishwa na shirika hilo lisilo la kiserikali la Ujerumani jana na mwendesha mashtaka wa kitaifa wa Ufaransa dhidi ya ugaidi.
Waraka huo unaangazia madai ya unyanyasaji kati ya Julai na Septemba 2021 uliofanywa na wanajeshi wa kikosi kazi cha pamoja (JTF) kilichotumwa kulinda eneo hilo la gesi Msumbiji ambalo kampuni hiyo inasimamia na kupanga kuanzisha tena baada ya shambulizi la itikadi kali.
ECCHR imesema nyaraka za ndani zinaonyesha kuwa TotalEnergies ilifahamu kuhusu tuhuma za unyanyasaji dhidi ya raia zilizofanywa na wanajeshi hao lakini iliendelea kuwaunga mkono.
Kulingana na ECCHR, kampuni hiyo imekanusha kufahamu kuhusu madai hayo ya unyanyasaji.