Wimbi la hofu limeikumba jamii ya Borno, na raia wengi wameanza kuondoka majumbani mwao leo Jumatatu, siku mbili baada ya ISWAP, tawi la kundi Boko Haram, kuwateka nyara mabinti 13 wenye umri wa miaka 15 hadi 20.
Magaidi wa ISWAP waliwateka nyara mabinti hao 13 walipokuwa wakifanya kazi shambani katika wilaya ya Mussa katika eneo la serikali za mitaa la Askira/Uba.
Ripoti zinasema kuwa, mabinti hao walikuwa wakivuna mazao kwenye mashamba yao siku ya Jumapili wakati wavamizi waliokuwa na silaha waliposhambulia. Mmoja wa waathirika alifanikiwa kutoroka mikononi mwa magaidi wa ISWAP na kuungana na familia yake, na mabinti wenzake 12 bado hawajapatikana hadi sasa.
Familia mbalimbali zinaikimbia wilaya ya Mussa zikikwepa magaidi hao. Wananchi katika jimbo la Borno imeshtushwa na mauaji ya walinzi watano wiki iliyopita, na hali ya wasiwasi imetenda katika jamii hiyo kufuatia kutekwa nyara mabinti hao 13.
Vilevile, kaya nyingi zimehamia maeneo salama kufuatia tukio hilo.
Abdullahi Askira, Naibu Naibu Spika katika jimbo la Borno amethibitisha kutekwa nyara mabinti hao na kuwataka wakazi wa jimbo hilo kutoa taarifa kwa wakati kwa vyombo vya usalama kuhusu washukiwa wa hujuma za ugaidi.
Wakati huo huo, Junaid Jibrin, Mshauri wa Habari wa Seneta Ali Ndume ameeleza kuwa binti mmoja aliyefanikiwa kuwatoroka magaidi ameungana na familia yake na sasa anazisaidia mamlaka husika za intelijinsia.
Katika upande mwingine, Rais Bola Ahmed Tinubu wa Nigeria ameagiza kuondolewa maafisa wa polisi waliopewa jukumu la kuwalinda maafisa wa ngazi ya juu ilii warejee katika majukumu yao ya msingi ya kipolisi.
Kwa mujibu wa sera mpya, viongozi na maafisa wa ngazi ya juu (VIP) wanaohitaji kupatiwa ulinzi sasa itawapasa kuomba wafanyakazi wenye silaha kutoka Kikosi cha Usalama na Ulinzi wa Raia cha Nigeria.