Kallas ameyasema hayo mbele ya waandishi wa habari mjini Brussels na kuongeza kuwa makubaliano yoyote ya amani yanahitaji kuihusisha pia Urusi.
Naye Kansela wa Ujerumani Friedrich Merz akihutubia mbele ya bunge mjini Berlin kuhusu mzozo huo huo ameeleza kwamba makubaliano ya amani ya Ukraine hayawezi kutiwa saini bila idhini ya Ukraine na Ulaya.
Uamuzi kuhusu Ulaya utafanywa na Ulaya
Amesema juhudi za Marekani kuutatua mzozo huo zinakaribishwa, lakini uamuzi kuhusu masuala ya Ulaya yanaweza kufanywa kwa makubaliano na Ulaya pekee.
Kauli za Kallas na Merz zimetolewa wakati Marekani ikitarajiwa kufanya majadiliano na Urusi hivi karibuni kuhusu mpango wa kuvimaliza vita vya Ukraine wenye vipengele 28 uliowasilishwa na Rais Donald Trump.