Wabunge wa bunge la Ulaya wamelaani vikali ukandamizaji wa baada ya uchaguzi wa Oktoba 29 uliofanyika Tanzania. Katika kikao maalumu kilichojadili hali ya kisiasa baada ya uchaguzi wa taifa hilo Alhamisi, bunge hilo limekosoa vikali matumizi ya nguvu kubwa yaliyofanywa na mamlaka za Tanzania baada ya uchaguzi huku kukiwa na ripoti za makaburi ya pamoja.
Bunge hilo limeitaka serikali ya Tanzania Serikali ya kufanya majadiliano ya kisiasa na wapinzani, asasi za kiraia na wawakilishi walioathiriwa na matukio ya wakati na baada ya uchaguzi.
Wito wa kufanyika kwa uchunguzi huru
Wabunge wa Ulaya wametoa wito wa kufanyika kwa uchunguzi huru juu ya watuhumiwa wa mauaji, watu kupotezwa na kuachiliwa huru kwa wafungwa wa kisiasa.
Pia wameitaka Halmashauri kuu na Baraza la Ulaya kusitisha ufadhili wa moja kwa moja kwa mamlaka za Tanzania na kutoa kipaumbele kwa asasi za kiraia, watetezi wa haki za binadamu na waandisi wa habari. Maazimio hayo yamepitishwa kwa kura 539 za ndiyo, hakuna aliyepinga na wabunge 27 hawakupiga kura