ZANZIBAR; TIMU ya Singida Black Stars leo itaivaa Stellenbosch FC katika dimba la New Amaan Complex, Zanzibar mchezo wa Kombe la Shirikisho la Mpira wa Miguu Afrika.
Kocha wa Singida Black Stars, Miguel Gamondi amesema hawatarudia makosa yaliyowafanya wakapoteza pointi tatu kwenye mchezo wa kwanza.
“Mchezo wa kwanza tulipoteza lakini tumepata mafunzo. Malengo yetu yalikuwa kuingia hatua ya makundi na kwa asilimia 100 tumefanikiwa.
“Hii ni fursa kubwa kwetu na tunaamini bado tuna nafasi ya kufanya vizuri katika mechi tano zilizobaki,” alisema.
Alisema kikosi kipo kamili baada ya kurejea kwa kiungo Khalid Aucho, aliyekosekana kwenye mchezo wa awali, huku wachezaji wote wakiwa katika hali nzuri na tayari kuwakilisha nchi.