Kesi ya Roger Lumbala inaendelea mbele ya Mahakama ya Paris. Akishtakiwa kwa uhalifu wa kivita na kushirikianda na wahalifu, kiongozi huyo wa zamani wa waasi wa Kongo aliwafukuza mawakili wake na kukataa kufika mahakamani Novemba 13.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Roger Lumbala anabaini mfumo wa haki wa Ufaransa hauna mamlaka ya kumshtaki na analaani kile anachokiita upotoshaji wa haki. Wakili aliyeteuliwa na mahakama amepewa jukumu, na kesi inaendelea. Katika kesi hii, Roger Lumbala amewataja mashahidi kadhaa kwa upande wa utetezi. Miongoni mwao ni Jean-Pierre Bemba, ambaye kwa sasa ni Naibu Waziri Mkuu anayehusika na Uchukuzi nchini DRC. Lakini kwa nini jina la Jean-Pierre Bemba limejitokeza katika kesi hii?
Jambo muhimu ni kwamba katikati ya kesi hii ni operesheni inayojulikana kama “Kufuta Ubao Mweusi.” Mahakama zinachunguza matukio yanayozunguka operesheni hii, ambayo ilifanyika katika mkoa wa Ituri nchini Jamhuri ya Kidemokrasia ya Kongo kati ya mwezi Oktoba 2002 na mwezi Januari 2003. Hii ilikuwa kampeni ya pamoja ya kijeshi iliyoendeshwa na kundi la waasi la MLC la Jean-Pierre Bemba na kundi la waasi la RCD-N la Roger Lumbala, washirika wakati huo, dhidi ya kundi la waasi la RCD-ML la Mbusa Nyamwisi. Kulingana na upande wa mashtaka, shambulio hili lilisababisha mauaji ya kikabila na uhalifu mkubwa wa kivita.
Wakati wa vikao vya awali, Roger Lumbala alisisitiza kwamba hakuwajibika kwa maamuzi ya kijeshi yaliyofanywa ndani ya muungano huu na Jean-Pierre Bemba. Anasisitiza kwamba kundi lake halikuwa na silaha, bali lilikuwa la kisiasa tu. Roger Lumbala anahusisha sehemu kubwa ya shughuli za kijeshi wapiganaji wa Jean-Pierre Bemba.
Ni katika muktadha huu ambapo mawakili wake walimwita Jean-Pierre Bemba afike mahakamani kumtetea Lumbala. Katika moyo wa ushirikiano wa kimataifa, Ubalozi wa Ufaransa huko Kinshasa ulipeleka wito huu kwa mamlaka ya Kongo. Mashahidi wengine pia wanatarajiwa kujitokeza. Baadhi yao hata walikwenda kwa Ubalozi wa Ufaransa mjini Kinshasa wiki hii kushughulikia maombi yao ya visa. Na kulingana na jaji anayeongoza kesi hiyo, kwa ombi la pande zote, mfumo wa haraka wa utolewaji wa visa umeanzishwa, hasa kwa mashahidi wa upande wa utetezi.