Baby Top Afichua Kilichokuwa Kikizungumzwa Kwenye Kundi la WhatsApp Kuhusu Kifo cha Mtoto

• Mtangazaji wa redio Muthoni Wa Kirumba, maarufu kama Baby Top, amevunja ukimya wake kuhusu kifo cha mtoto wa rafiki yake
• Taarifa zilizosambazwa zinaonyesha kuwa mtoto huyo, Master Theo Kiragu Gathiga, alizama katika bwawa la kuogelea la familia wakati wa sherehe
• Baadhi ya watu maarufu walidai kuwa mtoto huyo alifariki katika bwawa la kuogelea la Baby Top, jambo ambalo lilimfanya mtangazaji huyo kujibu kwa kuvujisha mazungumzo ya WhatsApp

Mtangazaji wa Kameme FM, Muthoni Wa Kirumba almaarufu Baby Top, amevunja ukimya wake kufuatia kifo cha mtoto wa rafiki yake.

Mitandao ya kijamii imejaa uvumi baada ya Wakenya kufahamu kuwa mtoto mchanga alizama kwenye bwawa la kuogelea wakati wa sherehe.

Nini kilimpata mtoto wa Kinyita?

Mtoto huyo alikuwa wa mmoja wa marafiki wa Baby Top, Peter Gathiga Kinyita, na mke wake Mercy Wanjiru Kiragu. Wakati tukio hilo lilipotokea, mtangazaji huyo wa redio alikuwa eneo hilo.

Kulingana na Chef Gathemba, Baby Top alikuwa ameeleza kuwa alikuwa akiwasaidia wazazi wa mtoto huyo katika maandalizi ya mazishi.

Pia soma

Familia yafichua kilichomuua mwanajeshi wa Kenya Air Force siku 2 baada ya kuwatembelea wazazi wake

Baada ya tukio hilo, mtoto huyo, Master Theo Kiragu Gathiga, alikimbizwa katika Hospitali ya AAR.

Pia alifichua kuwa marafiki na wanafamilia walikuwa wakikusanyika nyumbani kwa Kinyita kando ya Barabara ya Kiambu, na mazishi yalipangwa kufanyika Juni 19.

Uvumi mbalimbali umeenea mitandaoni huku baadhi ya watu maarufu kama Wanja Nyararari wakitoa simulizi tofauti kuhusu kile kilichodaiwa kutokea.

Chapisho la Wanja lilimchochea Baby Top kuvunja ukimya wake kuhusu suala hilo na kuvujisha picha za mazungumzo kutoka kwenye kundi moja zilizokuwa zikieneza uvumi kuhusu tukio hilo.

Aliandika:

“Chai, food na tent za mazishi ni tamu na beautiful wakati sio zenu.”

Baby Top pia alivujisha picha za mazungumzo zikimuonyesha mwanasiasa Moses Kuria akizungumzia suala hilo katika kundi la WhatsApp.

Kulingana na madai hayo, Moses Kuria alisema mama wa mtoto huyo alikuwa akidai apewe rekodi za kamera za CCTV.

Wanachama wa kundi hilo waliendelea kudai kuwa tukio hilo lilitokea katika nyumba ya kifahari ya mtangazaji huyo wa redio na kwamba mwanawe ndiye aliyetoa taarifa kuhusu kilichotokea.

“Walikuwa wameenda kumtembelea baba ya Kirumba nyumbani kwake pamoja na mwenyekiti, mke wake na watoto. Mke wa mwenyekiti alimkabili Wakirumba akidai kuwa wawili hao wako kwenye uhusiano. Mtoto huyo wa miaka miwili alikuwa amemshika baba yake. Wakati wa mabishano hayo, mtoto alienda kujificha nyuma ya hema. Baada ya muda, mwana wa Wakirumba mwenye umri wa takribani miaka 15 alifika na kusema kwamba kulikuwa na mtoto anayezama kwenye bwawa la kuogelea, lakini hakujaribu kumtoa ndani ya maji. Kagombe alionyeshwa picha za CCTV kisha zikafutwa; sasa mwenyekiti anadai apewe CCTV lakini tayari zimefutwa. Mke huyo amekasirika sana na anasisitiza apewe CCTV. Mwili wa mtoto uko Lee Funeral Home. Kesi hiyo iko chini ya uchunguzi wa DCI Gigiri,” ilidai sehemu ya ujumbe huo.

Pia soma

Magazeti ya Kenya: Margaret Kenyatta atoswa kwenye mzozo kuhusu mali ya mjane wa marehemu kaka yake

Tazama picha za mazungumzo hayo

Je, Moses Kuria alivujisha eneo alipo Baby Top?

Katika habari nyingine, Baby Top alivunja ukimya wake baada ya wasiwasi kuhusu usalama wake kuibuka mtandaoni, akiwajulisha mashabiki wake kuhusu hali yake.

Mtangazaji huyo wa Kameme FM alimshutumu aliyekuwa Waziri wa Utumishi wa Umma, Moses Kuria, kwa madai ya kusambaza nambari yake ya simu pamoja na eneo alipo kupitia WhatsApp.

Pia alishiriki picha za mazungumzo na rekodi za simu mtandaoni, jambo lililosababisha maoni mseto kutoka kwa watumiaji wa mitandao ya kijamii ambao wengi walionyesha kumuunga mkono.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke