Peter Mugure: Wakenya Washtushwa na Alichosema Aliyekuwa Meja wa KDF Baada ya Kuhukumiwa Maisha

• Aliyekuwa Meja wa KDF Peter Mugure alihukumiwa kifungo cha maisha kwa mauaji ya mkewe na watoto wao wawili wadogo
• Katika hotuba yake mahakamani, Mugure alisema anaiheshimu hukumu lakini hakubaliani na uamuzi wa kupatikana na hatia, huku Wakenya wakigundua kuwa hakuonyesha majuto yoyote
• Wakenya wengi walionyesha hasira mitandaoni baada ya Mugure kutotoa msamaha wala kuonyesha masikitiko kuhusu mauaji hayo matatu

Aliyekuwa Meja wa Jeshi la Ulinzi la Kenya (KDF), Peter Mugure, amewaacha Wakenya wakiwa na hisia mseto baada ya kutoa hotuba ndefu na yenye utulivu mahakamani muda mfupi baada ya kuhukumiwa kifungo cha maisha kwa mauaji ya mkewe na watoto wao wawili wadogo.

Badala ya kuonyesha majuto au kuomba msamaha kwa familia zilizoathirika, Mugure alielekeza hotuba yake kwenye hukumu iliyomtia hatiani.

Alisema kuwa ingawa anaiheshimu hukumu hiyo kwa kuwa ni uamuzi unaomfunga kisheria, hawezi kukubaliana kwa dhamiri yake na uamuzi wa kupatikana na hatia.

“Ninaheshimu uamuzi wa mahakama kwa sababu kwa sasa unanifunga kisheria kwa namna ambayo hakuna anayeweza kufikiria. Hata hivyo, kwa heshima kubwa kwa mahakama, kimsingi siwezi kukubaliana na hukumu hiyo. Ndiyo maana nimewaelekeza mawakili wangu wasipinge uhalali au uzito wa adhabu yoyote mtakayonipa, bali wapinge hukumu ya kunipata na hatia pekee,” Mugure aliiambia mahakama.

Pia soma

Video ya CCTV yafichua sekunde za kutisha jambazi akivamia saluni Ruaka

Pia alitumia methali akisema kuwa ni aliyevaa kiatu ndiye anayejua kinapombana, kauli ambayo wengi waliitafsiri kuwa alikuwa akidokeza kuwa kulikuwa na mazingira ya kesi ambayo mahakama haikuyazingatia kikamilifu.

Wakenya walivyoitikia hotuba ya Mugure

Hotuba hiyo ilizua hisia kali mitandaoni, huku Wakenya wengi wakishangazwa na jinsi mwanaume aliyepatikana na hatia ya kuiua familia yake alivyoonekana kujali zaidi mkakati wake wa kisheria kuliko kuonyesha huzuni au kuwajibika kwa matendo yake.

Kwa wengi, jambo lililowashangaza zaidi ni kwamba Mugure hakuonyesha hata chembe ya majuto katika hotuba yake, hali iliyoashiria kuwa vita yake ya kisheria huenda bado haijaisha.

Baadhi ya maoni ya Wakenya ni haya:

Humphrey Karatu:

“Maombi ya kupunguziwa adhabu si nafasi ya kueleza jinsi kesi ilivyoendeshwa, bali ni kutoa sababu za mahakama kukuonea huruma.”

Moses Owuor:

“Akipewa nafasi nyingine, angefanya tena bila hata kutokwa na jasho wala kupepesa macho. Mwenye kiatu kweli.”

Charles Maingi:

“Magurudumu ya haki huzunguka polepole, lakini husaga kwa umakini mkubwa.”

John Kairu:

“Nimegundua watu wengi wanaokabiliwa na makosa makubwa ya jinai hujifunza sana masuala ya sheria bila hata kusoma sheria. Je, kuna mawakili wanaowafundisha wakiwa rumande?”

Pia soma

Ruto Awavunja Wakenya Mbavu Baada ya Kumkumbatia Totoshoo Jukwaani

Richard Nyamongo:

“Anaongea kwa ufasaha. Hata hivyo, hatujui kilichotokea. Huenda alikuwa na PTSD. Lakini maamuzi yana matokeo.”

Mwanamume wa Nyeri akamatwa kwa mauaji ya Joy Kanini

Katika habari nyingine, TUKO.co.ke pia iliangazia kukamatwa kwa John Nderitu Mureithi, mshukiwa mkuu katika mauaji ya Joy Kanini Gathu, ambaye mabaki ya mwili wake yalipatikana katika kaunti ya Nyeri.

Ufichuzi wa jinsi familia ya Joy ilivyoweza kutambua mwili wake katika mazingira ya kuhuzunisha umeacha wengi wakiwa na majonzi huku uchunguzi wa kesi hiyo ukiendelea.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke