Huzuni Mtahiniwa wa KCSE 2025 Akizama Katika Ziwa Naivasha na Kufariki

• Mama mmoja amewachwa na makovu baada ya kupata taarifa za uchungu kuwa mwanaye ambaye alikuwa mtihaniwa wake wa KCSE 2025 amefariki
• Alisimulia jinsi alivyopokea taarifa hizo za kusikitisha jioni baada ya kutoka kazini na kuhangaika kukubaliana na msiba huo mkubwa.
• Wenyeji wameiomba serikali kusaidia kukabiliana na matukio hayo katika siku zijazo, wakibainisha kuwa wamepoteza wavuvi wengine muda sio mrefu

Wakazi wanaoishi karibu na Ziwa Naivasha kaunti ya Nakuru wametumbukia katika majonzi kufuatia kisa cha kusikitisha.

Wavuvi watatu walifariki dunia baada ya boti zao kupinduka kutokana na upepo mkali ambao hawakuweza kuudhibiti na kuwaacha wenyeji katika hofu na maumivu.

Mama mmoja alikosa faraja baada ya kumpoteza mwanawe mdogo, ambaye alikuwa miongoni mwa wavuvi walioangamia katika kisa hicho cha kusikitisha Ijumaa, Februari 20.

“Nilitoka kazini mida ya saa kumi jioni na kukuta missed call, nilipopiga simu nikaambiwa kuwa mtoto wangu Brandon ameanguka majini na hayupo tena, nikauliza imekuwaje nikaambiwa walikuwa kwenye boti na upepo mkali ukavuma na kuipindua,” alisema Evalyne Naliaka.

Pia soma

Boniface Kariuki: Mama wa Mchuuzi Aliyeuawa Apinga Madai ya Kuabudu Katika Kanisa la Kiengei

Mama huyo aliyehuzunika pia alifichua kuwa mwanawe alisomea Cheti cha Elimu ya Sekondari Kenya (KCSE) mwaka wa 2025.

Miili miwili bado imetoweka katika Ziwa Naivasha

Brandon zilikuwa zimesalia siku chache tu kusherehekea siku yake ya kuzaliwa ya 18, kama mama yake aliyefadhaika alishiriki alipokuwa akitembelea ziwa baada ya utulivu.

Mwili mmoja ulitolewa ziwani, huku wengine wawili wakiendelea kutafutwa na kikosi cha uokoaji huku wakazi wakihangaika kukubali mkasa huo.

“Hatujawahi kuona mawimbi makali namna hii. Yalikuwa na nguvu kubwa mno. Boti nyingine ufukweni ziliharibiwa kwa sababu ya mawimbi makubwa. Ziligongana hadi zikaharibika kabisa na haziwezi kutumika tena,” alisema Caren Atieno, mfanyabiashara wa samaki katika Ufukwe wa Kamere.

Raphael Juma, mwenyekiti katika eneo la Kamere Beach, alitoa wito kwa serikali ya kaunti kusambaza jaketi zaidi za kuokoa maisha.

Je, serikali ya kaunti ya Nakuru inasambaza jaketi za kujiokoa?

Alidai kuwa ikiwa wavuvi wengine walikuwa na jaketi la kuokoa maisha, wangepatikana wakiwa hai wakati ziwa lilipotulia, sawa na mwenzao.

“Serikali ya kaunti ya Nakuru imetoa zaidi ya jaketi 600 kwa wamiliki wa boti ziwani. Kila mmiliki wa boti alipewa jaketi la kuokoa maisha. Sio kweli kwamba serikali ya kaunti haijatekeleza wajibu wake,” Henry Cheruiyot, afisa wa uvuvi kaunti ndogo alisema.

Pia soma

Kirinyaga:Mwanamke Aliyehukumiwa Maisha kwa Mauaji, Aachiliwa Huru Baada ya Miaka 27 Jela

Kisa hicho cha kuhuzunisha kilitokea mwezi mmoja tu baada ya wavuvi wengine wanne kuzama katika ziwa hilo kufuatia shambulio la kiboko.

Wakazi walisimama wakilia kando ya ufuo wa ziwa, wakifarijiana walipokuwa wakingoja taarifa zaidi kutoka kwa timu ya uokoaji.

Vijana wawili wazama katika Ziwa Naivasha

Katika kisa sawia na hicho, familia mbili ziliachwa na huzuni baada ya kuwapoteza wana wao waliokuwa wameenda kuvua samaki usiku.

Akina mama hao waliokuwa na huzuni walisema watoto wao wa kiume walikuwa wametoka kutafuta riziki lakini waliangamia kwa huzuni na kuwaacha na maumivu makali.

Wazazi wote wawili walikimbilia eneo la tukio wakitarajia kuchukua miili ya watoto wao wa kiume, lakini walipata pigo kubwa kwani miili hiyo ilikuwa bado haijapatikana.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke