Uwanja wa ndege wa Bangboka huko Kisangani, kaskazini mashariki mwa DRC, umelengwa tea na ndege zisizo na rubani mnamo Machi 1, 2026, mwezi mmoja baada ya shambulio lingine. Hakukuwa na uharibifu mkubwa wa vifaa, lakini kulikuwa na watu waliohama katika eneo linalozunguka uwanja huo. Mamlaka ya mkoa inaishutumu kundi lenye silaha la AFC/M23 na Rwanda.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Kulingana na mamlaka katika mkoa wa Tshopo, kaskazini mashariki mwa DRC, ndege hizo zisizo na rubani zilikuwa zimebebe vilipuzi. Ndege nne kati ya hizi zisizo na rubani ziliripotiwa kuzuiliwa na kupigwa risasi juu ya Uwanja wa Ndege wa Bangboka. Ndege ya mwisho iliripotiwa kuonekana wakati ndege ya kiraia ilipokuwa ikianza kutua karibu saa 1:00 usiku, kulingana na vyanzo hivyo, ambavyo pia vinadai kwamba mfumo wa ulinzi wa anga uliwezesha kuzuia mashambulizi.
Hakuna uharibifu mkubwa ulioripotiwa, lakini madirisha katika baadhi ya miundombinu yalivunjwa, kulingana na vyanzo vya uwanja wa ndege. Wakazi wa eneo hilo walilazimika kuhama, wakiondoka katika eneo la uwanja wa ndege.
Hakuna kundi lililodai kuhusika na shambulio hilo Mamlaka ya mkoa inaishutumu AFC/M23 na Kigali. Lakini tofauti na mashambulizi ya awali, haya hayajadaiwa na kundi lolote.
Huko Kinshasa, baadhi ya maafisa wa usalama pia wamebainisha kuwa mashambulizi haya yanakuja wiki moja baada ya kifo cha msemaji wake, Willy Ngoma, katika shambulio la ndege zisizo na rubani ambalo AFC/M23 inadai lilitekelezwa na Kinshasa. Pia linakuja siku mbili baada ya AFC/M23 kutangaza kwamba kifo cha Willy Ngoma na mashambulizi hayo hayatabaki hivyo bila kulipizwa kisasi.