Rais wa Marekani Donald Trump amemfuta kazi Waziri wa Sheria Pam Bondi siku ya Alhamisi, Aprili 2, 2026, afisa wa Ikulu ya White House ametangaza, kufuatia utata kuhusu kazi yake, hasa jinsi alivyoshughulikia uchunguzi unaohusiana na mfadhili marehemu na mhalifu wa ngono Jeffrey Epstein. Trump pia aliripotiwa kukatishwa tamaa na ucheleweshaji wa Bondi katika kuwashtaki wakosoaji na wapinzani aliotaka wafikishwe mahakamani.
Imechapishwa:
Dakika 1 Wakati wa kusoma
Matangazo ya kibiashara
Siku moja tu kabla, Bondi alionekana pamoja na Trump. Alikuwa kwenye msafara wake alipokwenda Mahakama Kuu kwa ajili ya kusikilizwa kwa moja ya amri zake za utendaji zinazozuia haki ya kisheria inayompa mtu uraia wa nchi aliyozaliwa. Pia alikuwa pamoja naye alipotoa hotuba yake kuhusuvita nchini Iran. Alipoulizwa kuhusu kuondoka kwake, rais wa Marekani alijibu kwamba “Pam Bondi ni mtu mzuri” na kwamba “alikuwa akifanya kazi nzuri.” Lakini chini ya saa 24 baadaye, alithibitisha kuondoka kwake.
Rais wa Marekani aliongeza kwenye mtandao wake wa Truth Social, anayechukua nafasi ya muda ya Pam Bondi atakuwa Todd Blanche, nambari mbili katika Wizara ya Sheria na wakili wa zamani wa Donald Trump, akimsifu waziri anayeondoka dhidi ya uhalifu. Yeye ni “mzalendo mkubwa na rafiki mwaminifu,” pia alibainisha, bila, hata hivyo, kutoa sababu ya kufukuzwa kwake.
Wakati wa uongozi wake mkuu wa mfumo wa mahakama wa Marekani, Pam Bondi alithibitika kuwa mtetezi mwenye bidii wa ajenda ya Donald Trump na kukomesha utamaduni mrefu wa uhuru waWizara ya Sheria kutoka Ikulu ya Marekani katika uchunguzi wake.
Kufukuzwa kwake kunaweza kusababisha mabadiliko ya kimkakati ndani ya Wizara ya Sheria na uwezekano wa shambulio jipya la kisheria dhidi ya walengwa wa Trump. Pam Bondi ndiye afisa wa pili wa juu wa utawala wa Trump kufukuzwa kazi hivi karibuni. Trump alimfukuza kazi Waziri wa Usalama wa Ndani Kristi Noem mnamo Machi 5 kufuatia ukosoaji wa jinsi alivyosimami idara ya uhamiaji na sera yake ya uhamiaji.