Spika wa Bunge la Jamhuri ya Kiislamu ya Iran amesema kuwa, wauaji wa mashahidi wa nchi hii watawajibishwa na watapata adhabu inayostahili kwa matendo yao.
Mohamed Bagher Qalibaf, Spika wa Bunge la Jamhuri ya Kiislamu ya Iran amesema kuwa wauaji wa mashahidi wa nchi hii, hasa Imam Shahidi wa Umma, watawajibishwa kwa matendo yao. Akitoa ujumbe wake kufuatia mazishi ya kihistoria ya Kiongozi Shahidi wa Iran na familia yake mjini Tehran, alisema kuwa hatua ya mwisho ya kulipiza kisasi itaonekana kupitia ukombozi wa Quds Tukufu.
Qalibaf amesema katika ujumbe wake:
Maombolezo ya kumpoteza Kiongozi Shahidi na siku ya mwisho ya uwepo wa mwili wake katika mji mkuu wa ulimwengu wa Kiislamu yamekuwa tukio kubwa lililoonyesha mshikamano na uelewa wa wananchi katika kipindi hiki muhimu. Ujumbe huo ulisema kuwa tukio hilo limeongeza kasi ya safari kuelekea ushindi wa Iran ya Kiislamu na ulimwengu wa Kiislamu.
Ujumbe huo ulieleza kuwa, wananchi wa Iran ambao wamekuwa wakiunga mkono Mapinduzi ya Kiislamu kwa miongo kadhaa wameendelea kuonyesha mshikamano wao katika kipindi cha hivi karibuni, wakidai haki na kulaani waliowaua viongozi na mashahidi wao. Ujumbe huo pia ulisisitiza kuwa kulingana na mtazamo wao, ahadi ya Mwenyezi Mungu itatimia na wahusika wa mauaji na uvamizi watawajibishwa. Aidha, ulisisitiza kuendelea njia ya Mapinduzi ya Kiislamu na nafasi ya wananchi katika kuyaimarisha.
Kadhalika Spika wa Bunge la Iran amesema:
Umma huu umetokana na mafundisho ya Mola na shule ya Imam Hussein (A.S), na umelelewa na Maimamu wa Mapinduzi. Katika kipindi cha miaka 37 ya uongozi wa Kiongozi Shahidi wa Mapinduzi Imam Khamenei, haukuhifadhi tu moyo wa jihadi na mapambano, bali pia umesimama kwa uthabiti na kwa misingi imara dhidi ya wenye kufanya uonevu duniani.