Malaria ni tatizo kubwa la afya ya umma katika mkoa wa Kwilu. Katika kipindi cha miezi sita iliyopita, idadi hiyo imekuwa ikiongezeka. Jumla ya wagonjwa 387,874 wamerekodiwa, na kusababisha vifo 146.
Imechapishwa:
Dakika 1 Wakati wa kusoma
Matangazo ya kibiashara
Kulingana na Waziri wa Afya wa mkoa huo, ugonjwa huo unaathiri maeneo yote 24 ya afya katika mkoa wa Kwilu. Robert Dinsodi alielezea kwamba ugonjwa huo si mpya katika eneo hilo; mkoa wote umemkubwa na ugojwa huo, na tishio hilo linaendelea licha ya juhudi mbalimbali za usaidizi kutoka kwa washirika wa mkoa huo katika kukabiliana na ugonjwa huo hatari.
“Kumekuwa na visa vingi, huku vifo 146 vikirekodiwa. Mkoa huo umekumbwa na ugonjwa huo, na Malaria haimwachi mtu yeyote. Maeneo yote 24 ya afya yameathiriwa. Kuna tatizo halisi la malaria, iwe ni katika hali kubwa au ndogo,” alisema.
Tishio la hivi karibuni la malaria huko Kwilu liliripotiwa katika kijiji cha Mukulubiala, katika eneo la Bulungu, Mwezi Juni mwaka huu. Karibu watu kumi walifariki baada ya kupata homa, maumivu ya tumbo, na kutapika.
Waziri huyo alitangaza kwamba hali imedhibitiwa na kwamba hakuna visa au vifo vipya vilivyorekodiwa kufuatia kupelekwa kwa timu za matiabibu. Jumla ya wagonjwa 72 wamerekodiwa katika kijiji hiki, huku vifo 15 vikijumuisha wanawake 8 na wanaume 7. Sampuli tano za maji, sampuli 30 za damu, na sampuli 28 za chumvi zilikusanywa, alisema Robert Dinsodi. Matokeo mapya yanatarajiwa kutoka Taasisi ya Kitaifa ya Utafiti wa Kitiba na Biolojia (INRB).
Sampuli hii mpya, licha ya matokeo ya awali kutoka INRB kuhitimisha kwamba Malaria haikutibiwa vizuri au haikutibiwa kabisa, inahalalishwa na shaka inayozunguka ubora wa sampuli ya kwanza iliyochukuliwa.