Tukio lisilo la kawaida linafanyika leo. Mkuu wa nchi wa Syria anapokelewa Washington. Hili halijawahi kutokea tangu uhuru wa nchi hiyo. Na ni mabadiliko ya kweli ya historia.
Imechapishwa:
Dakika 2 Wakati wa kusoma
Matangazo ya kibiashara
Chini ya mwaka mmoja uliopita, Marekani ilitoa dola milioni 10 kwa taarifa zitakazowezesha kukamatwa kwa Ahmed Al-sharaa. Leo, wanamtandia zulia jekundu mfungwa wa zamani wa gereza lao maarufu la Abu Ghraib nchini Iraq. Na bado, katika miaka ya hivi karibuni nchini Syria, alijiunga na kundi la wapiganaji wa kijihadi la Islamic State, kisha katika kundi la al-Nusra Front, kwa muda tawi la Syria la al-Qaeda, adui mkubwa wa Marekani.
Ustadi mkubwa wa kisiasa
Chanzo cha mzizi wa mabadiliko haya, kuna kanuni ya ukweli. Ahmed al-Sharaa, mkuu wa kundi la Hayat Tahrir al-Sham (HTS), ambaye aliangusha utawala wa Bashar Al Assad, na kumlazimisha kutoroka Damascus kuelekea Moscow. Ahmed al-Sharaa ndiye kiongozi maarufu wa Syria na anaonyesha hisia kali za kisiasa. Alifanya hivyo kwa kuvunja ushirikiano na ISIS na kisha na Al Qaeda, akipunguza taswira yake kwa busara kwa kujionyesha kama Mwislamu badala ya mwanajihadi. Alifikia hatua ya kujihusisha kijeshi katika mgogoro na wenzake wa zamani wa kijihadi.
Ujuzi huu wa kisiasa na hata wa kidiplomasia unamruhusu kuiunganisha tena Syria katika jumuiya ya kimataifa. Mkutano wake na Donald Trump, ambaye aliondoa vikwazo vya Marekani na kimataifa dhidi ya Syria, ni ushuhuda wa ishara zake nyingi za nia njema. Hizi ni pamoja na, kwa mfano, kujitolea kwake kwa umma kupambana na biashara ya dawa za kulevya katika ngazi ya kimataifa, haswa Captagon. Na kisha kuna uwezekano wa kufungua kituo cha anga cha Marekani karibu na Damascus, kulingana na vyanzo vya kidiplomasia vilivyonukuliwa na mashirika ya habari. Alionekana akicheza mpira wa kikapu na mkuu wa Marekani wa muungano unaopambana dhidi ya wanajihadi, ambao Syria inaweza kujiunga nao.
Majadiliano na Urusi na Israel
Hii inaonekana kama mabadiliko ya ushirikiano, kwani Syria ni mshirika wa kihistoria wa Urusi. Kabla ya kwenda Washington, Ahmed Al-sharaa alikwenda Moscow kukutana na Vladimir Putin. Kwa hivyo hakuna uvunjifu wa uhusiano na Urusi. Kambi za majini na anga za Urusi nchini Syria bado zinawahifadhi wanajeshi wa Urusi, hata kama idadi yao ni ndogo.
Anasema yuko tayari kuzungumza na Israel, ingawa nchi hizo mbili bado ziko vitani na Israel inamiliki sehemu za eneo la Syria. Israel lilimeshambulia kwa mabomu baadhi ya maeneo ili kupunguza uwezo wa jeshi la Syria. Hata hivyo, Donald Trump hajakata tamaa ya kumfanya mwenyeji wake asaini Mkataba wa Abraham, uliojadiliwa wakati wa muhula wake wa kwanza, ambao ulirekebisha uhusiano kati ya Israel na baadhi ya majirani zake wa Kiarabu. Saudi Arabia, kwa mfano, ilikuwa moja ya nchi za kwanza ambazo Ahmed Al-sharaa alitembelea na ambapo alikutana na Donald Trump kwa mara ya kwanza. Marekani na Saudi Arabia zote zinashiriki lengo la kupunguza ushawishi wa Iran katika eneo hilo.
Fursa zinazotakiwa kuchukuliwa
Kama ilivyo kawaida, pia kuna masuala ya kiuchumi na biashara yaliyo hatarini. Uchumi wa Syria umeharibiwa kabisa na miaka 13 ya vita vya wenyewe kwa wenyewe. Benki ya Dunia inakadiria gharama ya ujenzi upya kuwa karibu eoro bilioni 200. Kwa maneno mengine, kuna fursa zinazotakiwa kuchukuliwa na mikataba inyotakiwa kufanyika. Hii pia inaelezea uhusiano huu wa ajabu.