Hafla hiyo imefunguliwa kwa hotuba ya Rais wa Italia, Sergio Mattarella, aliyepo Ujerumani kwa ziara ya siku mbili.
Rais wa Bunge la Ujerumani Julia Klockner amesema kumbukumbu hiyo ni ishara ya kupaza sauti pale amani na demokrasia zinapotishiwa duniani kote.
Rais Frank-Walter Steinmeier wa Ujermani anatarajiwa pia kutoa hotuba maalumu, ambayo kwa mara ya kwanza itawataja pia waliouawa kwa sababu ya jinsia au utambulisho wao wa kijinsia, pamoja na polisi waliopoteza maisha kazini.
Siku hii hutumika kuwakumbuka wahanga wa vita viwili vya dunia, utawala wa Kinazi, na machafuko kote ulimwenguni.