Uingereza imekuwa mojawapo ya nchi za Ulaya zilizoathiriwa zaidi na janga la UVIKO-19. Imeanzisha uchunguzi mkubwa wa umma ili kujifunza kutokana na jinsi ilivyoshughulikia kipindi hiki. Wakati huo, Boris Johnson alikuwa Waziri Mkuu. Ripoti ya awali iliyochapishwa mwaka jana ilihitimisha kwamba viongozi hawakuwa wamejiandaa. Wakati huu, jaji anayesimamia uchunguzi anaamini serikali haikufanya mengi sana, imechelewa sana.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Vifo 23,000 vingeweza kuepukwa kama serikali ya Uingereza ingeweka amri ya kutotoka nje wiki moja mapema, mnamo mwezi Machi 2020, kulingana na ripoti kutoka kwa uchunguzi wa umma iliyochapishwa mnamo Novemba 20. Mamlaka ilishindwa kuelewa ukubwa wa tishio la kiafya na kupoteza mwezi mzima wa Februari, anaripoti mwandishi wetu huko London, Émeline Vin. Mnamo mwezi Februari 2020 ilikuwa “mwezi uliopotea,” na ukosefu wa majibu wa serikali “hauna udhuru,” kulingana na uchunguzi.
Matokeo: mnamo Machi 16, 2020, Boris Johnson aliomba “jitihada” kutoka kwa Waingereza, alikuwa tayari amechelewa, kuenea kwa UVIKO-19 kulikuwa nje ya udhibiti, na amri ya kutotoka nje ilikuwa haiwezi kuepukika. Lakini haikufika hadi Machi 23, yapata miezi mitatu baada ya kuanza kwa janga hilo, ambalo lilianza nchini China kabla ya kuenea kote ulimwenguni.
Uingereza ilirekodi moja ya idadi kubwa zaidi ya vifo barani Ulaya kuhusiana na janga hili, ikiwa na vifo vya watu wapatao 226,000.
Ripoti hiyo inanyooshea kidole kwa serikali ya wakati huo, ambayo ilikuwa na “matumaini” mengi mwanzoni mwa mwaka 2020. Inaongeza kuwa mtazamo wa Boris Johnson mwenyewe, Waziri Mkuu kuanzia 2019 hadi 2022, “ulidhoofisha ujumbe mzito aliopaswa kuwasilisha kwa umma.”
Kurasa 750 za ripoti hiyo ni za kuhuzunisha kwa serikali ya zamani ya Conservative. Jaji amezungumzia ushawishi mbaya wa baadhi ya washauri wa masuala ya kisiasa, kukataa kuwasikiliza wafanyakazi wa afya, na kuchafua mawasiliano.