Katibu Mkuu wa Umoja wa Mataifa, Antonio Guterres, amesema kuwa Afrika italipa “gharama kubwa” kutokana na athari mbaya za mabadiliko ya tabianchi licha ya kuhusika kwake kwa kiwango kidogo sana katika mabadiliko hayo.
Antonio Guterres amesema hayo katika mkutano wa kilele wa viongozi wa G20 mjini Johannesburg na kuongeza kuwa, dunia tayari “imeshindwa” kuhakikisha kuwa ongezeko la joto linakuwa katika ukomo wa kiwango cha nyuzi joto 1.5.
Katika Mkuu wa Umoja wa Mataifa amesema, kwa msingi huo, kivyovyote vile, kutakuwa na matokeo mabaya zaidi ya mabadiliko ya tabianchi kama mawimbi ya joto, moto wa nyika, mafuriko, vimbunga na njaa.
Amesema, ili kuepukana na “machafuko ya hali ya hewa” nchi mbalimbali zinapasa kutimiza ahadi zao, kuanzia kuzidisha maradufu kiwango cha fedha za kukabiliana na athari mbaya za mabadilliko ya tabianchi mwaka huu na kujikita katika kuzidisha kiwango hicho cha fedha ifikapo mwaka 2030 kwa kusaidiwa na benki za maendeleo za kimataifa.
Katika hituba yake huko Johannesburg, Guterres pia ametoa wito wa kulindwa malengo ya Mkutano wa Mabadiliko ya Tabianchi wa COP29 wa Baku, Azerbaijan kwa ajili ya kufidia hasara na uharibifu, kuanzisha mifumo ya tahadhari za mapema duniani za mabadiliko ya tabianchi ifikapo mwaka 2027, kuwekeza katika mifumo thabiti ya chakula na kupunguza pakubwa uzalishaji wa hewa chafu katika muongo huu kwa kuachana na matumizi ya nishati ya mafuta na kutumia nishati mbadala.