Maafisa wa jeshi la Nigeria wametangaza kuwa kumepigwa harua nzuri za maenedelea katika jitihada za kukomboa mamia ya wanafunzi wa kike na walimu wao kadhaa waliotekwa nyara na kundi la watu waliokuwa na silaha katika jimbo la Niger, kaskazini mwa nchi hiyo.
Meja Jenerali Waidi Shaib, Mkuu wa Jeshi la Nigeria, amethitisha kuwa jumla ya watoto wa shule 303 na walimu 12 walitekwa nyara na watu waliokuwa na silaha wakati wa shambulio la Shule ya St. Mary’s, taasisi ya Kikatoliki katika jimbo la Niger kaskazini-kati mwa Nigeria.
Wanafunzi 50 kati ya zaidi ya 300 waliotekwa nyara kutoka Shule ya St. Mary’s katika jimbo la Niger nchini Nigeria wametoroka na wameunganishwa na familia zao.
Meja Jenerali Waidi Shaib amesema kuna “habari njema sana” kutoka jimbo la Kwara, na kwamba waumini 38 wamechiwa uhuru na kuungana tena na familia zao.
“Tunatarajia kwamba tutapata habari njema kutoka eneo hilo kwa ujumla,” Meja Jenerali Shaib amewaambia waandishi wa habari.
Hadi sasa hakuna kundi lililodai kuhusika na utekaji nyara huo na mamlaka husika huko Nigeria zimesema vikosi vya kimkakati vimetumwa pamoja na wawindaji wa eneo hilo kuwaokoa watoto hao.
Juhudi za utafutaji na uokoaji zinaendelea ili kuokoa wanafunzi waliosalia huku wazazi wao wakihangaika huku na kule katika hali ya mfadhaiko na kukata tamaa.
Rais Tinubu anakabiliwa na mashinikizo baada ya karibu watu 400, zaidi ya 300 kati yao wakiwa wanafunzi, kutekwa nyara katika moja ya wimbi kubwa zaidi la utekaji nyara nchini humo katika siku za hivi karibuni.