Akizungumza na Wahariri wa vyombo vya habari, Waziri Mkuu Dk Mwigulu Nchemba, amezungumzia vurugu za Oktoba 29 wakati wa uchaguzi mkuu na kusema kuwa zililenga kuhujumu uchumi na rasilimali za Tanzania. Kadhalika Waziri Mkuu huyo amesema, wanaowania rasilimali za Tanzania, wanawachonganisha watanzania waingie kwenye vurugu, ili wazifikie mali ikiwamo gesi asilia na madini muhimu.
Nchemba amejibu swali la wahariri hao lililohoji kuhusu kwa nini serikali haitaji idadi ya watu waliopoteza maisha kwenye vurugu hizo na kusema, watanzania wamepoteza wapendwa wao na si sahihi kusherehekea takwimu za waliokufa akisisiza kuwa hayo si majengo wala si sherehe.
“Mwigulu(Matukio ya watu kutekwa, kupotea, si jambo jema na serikali ina wasiwasi. Mnataka tuanze kuhesabu kama ni mafanikio? Kama magari, watu wamepoteza wapendwa wao. Wengine wanataja hawapo hapa lakini wanataja wamekufa”
Watanzania watolewa wito wa kutiruhusu vurugu kama za Oktoba 29
Kuhusu vurugu za Desemba 9 ambazo zinapangiwa mikakati kupitia mitandao ya kijamii, Waziri Mkuu Nchemba amewataka watanzania wasiruhusu vurugu kama za Oktoba 29 kujirudia nchini kwani vurugu zikitokea zina gharama yake na kusisitiza kuwa kila mmoja awajibe na watanzania wakatae yaliyotokea Oktoba 29.
Nchemba amesema , kila Mtanzania aone njia mbadala badala ya kuirejesha Tanzana kwenye njia yaliyotokea na akasema, hoja zote zitafanyiwa kazi milango ya rais na wasaidizi wake ipo wazi, na mijadala inaendelea. Awali, Waziri wa Habari, Utamaduni Sanaa na Michezo, Profesa Palamagamba Kabudi alisema Tanzania haijawahi kushindwa na hivyo itahakikisha nchi itakuwa salama.
Kwa upande wake, Kiongozi wa Jukwaa la Wahariri Tanzania Deodatus Balile aliuliza kuhusu matukio ya utekaji, kupotea na hofu iliyopo kati ya wananchi na polisi.
“Haya maandamano ambayo vituo vya polisi vinachomwa, kuna mjadala kuhusu ni watu wangapi wamefariki? Aljaxeera wanasema ni 700, taasisi nyingine ni watu elfu 10, iwapo kuna takwimu ni watu wangapi waliokufa”
Waziri Nchemba alihitimisha kwa kusema kuwa kumwaga damu ya mtu mmoja si baraka kwenye nchi na hivyo akataka Tanzania isirudie yaliyotokea Oktoba 29.