Wanamgambo hao wa Kipalestina wametoa ombi hilo baada ya jeshi la Israel kusema imewaua zaidi ya wapiganaji 20 wa Hamas katika kipindi cha wiki moja iliyopita na kwamba wanamgambo hao waliuawa wakati wakijaribu kuondoka kwenye mahandaki hayo.
Vyombo vya habari vya Israel vimeripoti kuwa kati ya wapiganaji 100 na 200 wa Hamas bado wamekwama kwenye mahandaki mbalimbali katika Ukanda wa Gaza.
Hayo yakiarifiwa, jeshi la Israel limetangaza kuanzisha operesheni mpya iliyoiita “ya kupambana na ugaidi ” katika Ukingo wa Magharibi unaokaliwa kimabavu ambapo jana lilishambulia maeneo 11 eneo hilo.