Katika ujumbe wake kwa mnasaba wa Siku ya Kimataifa ya Mshikamano na Palestina ya tarehe 29 Novemba, Rais wa Iran ametangaza kuwa, Jamhuri ya Kiislamu ya Iran inalichukulia suluhu pekee la kikanuni la kadhia ya Palestina kuwa ni kukomesha uvamizi wa kupangwa wa ardhi ya kihistoria ya watu wa Palestina, kurejea wakimbizi wa Kipalestina, na kutekeleza haki yao ya kujitawala.
Katika barua aliyoituma kwa nchi za dunia kwa mnasaba wa Siku ya Kimataifa ya Mshikamano na Palestina, Rais Masoud Pezzekian alitangaza kwamba tarehe 29 Novemba ni Siku ya Kimataifa ya Mshikamano na Watu wa Palestina na siku ya mshikamano wa dunia kwa ujasiri na uthabiti, kutafuta uhuru na kutafuta haki kwa watu ambao wamesimama wakiwa mikono mitupu kwa miongo mingi.
Kwa ajili hiyo, kwa niaba ya taifa na serikali ya nchi yangu, ningependa kutangaza uungaji mkono madhubuti wa Jamhuri ya Kiislamu ya Iran kwa wananchi wa Palestina katika kutimiza malengo yao.
Sehemu moja ya barua hiyo inaeleza kuwa, siku hii ni kumbukumbu ya miongo minane ya kukaliwa kwa mabavu ardhi za Palestina na utawala ghasibu wa Israel, maumivu na mateso yanayoendelea dhidi ya wananchi wa Palestina, na kuendelea dhulma na dhulma dhidi ya wananchi madhulumu wa Palestina.
Rais wa Iran aidha ameandika katika barua yake hiyo kwa Umoja wa Mataifa: Mwaka huu tunaadhimisha siku hii katika hali ambayo jinai za utawala ghasibu wa Israel dhidi ya wananchi wa Palestina na wakazi wa Gaza zilifanyika mbele ya macho ya walimwengu, na serikali zinazodai kulinda haki za binadamu zikifumbia macho jinai zote hizo.