Marekani imefanya shambulio lingine katika Pasifiki siku ya Alhamisi, Desemba 4, dhidi ya meli inayodaiwa kutumiwa na wafanyabiashara wa dawa za kulevya, na kuwaua watu wanne, jeshi la Marekani limetangaza kwenye mtandao wa kijamii wa X.
Imechapishwa:
Dakika 1 Wakati wa kusoma
Matangazo ya kibiashara
“Meli hiyo ilikuwa imebeba dawa za kulevya haramu na ilikuwa ikipitia njia inayojulikana kwa biashara haramu ya dawa za kulevya katika Pasifiki ya mashariki,” imeandika Southcom, kamandi ya Marekani kwa Amerika Kusini na Karibea, ikionyesha video ya mashua ikisafiri kwa kasi kubwa kabla ya mlipuko mkubwa.
Kwa miezi kadhaa, jeshi la Marekani limekuwa likifanya mashambulizi dhidi ya meli, hasa katika Bahari ya Karibea, ambayo yameua zaidi ya watu 85, bila kutoa ushahidi wa uhusiano wao na biashara haramu ya dawa za kulevya.
Mashambulizi yanayokosolewa
Sauti zaidi zimepazwa dhidi ya mashambulio haya, ambayo yalianza mwezi Septemba, na ambayo uhalali wake unatiliwa shaka na wataalamu wengi. Utawala wa Rais Donald Trump na Waziri wa Ulinzi Pete Hegseth unakabiliwa na ukosoaji maalum kwa operesheni ambapo vikosi vya Marekani vilizindua mashambulizi ya pili dhidi ya meli ambayo tayari imeshambuliwa katika Karibia, na kuwaua manusura. Kwa jumla, watu 11 waliuawa katika mashambulizi mawili ya Marekani yaliyofanywa mapema mwezi Septemba katika maji ya kimataifa.
Utata huo uliongezeka wiki iliyopita wakati Gazeti la Washington Post lilipofichua kwamba manusura wawili wa shambulizi la kwanza, ambao walikuwa walikwama katika chombo chao kilichokuwa kikiwaka moto, waliuawa katika shambulizi la pili lililoidhinishwa na Waziri wa Ulinzi.
Mapema Alhamisi, mwanachama wa upinzani kutoka chama cha Democratic, Jim Himes, alidai kwamba shambulizi hilo liliwaua “mabaharia,” baada ya kutazama video ya Pentagon iliyoonyeshwa kwa wanachama wa Bunge. Kulingana naye, video hiyo ilionyesha “watu wawili waliokuwa katika hali ngumu, bila usafiri wowote, ambao waliuawa na Marekani.”