Katika mji wa Uvira, mkoani Kivu Kusini, hali imebadilika sana katika kipindi cha chini ya saa 24. Mji huu wa mashariki mwa DRC ulianguka chini ya udhibiti wa AFC/M23 mnamo Desemba 10, 2025. Wapiganaji wa kundi hilo, wakiungwa mkono na Rwanda kulingana na mamlaka ya Kongo na Burundi na wataalamu wa Umoja wa Mataifa, waliingia katika mji huo bila upinzani wowote. Leo Alhamisi Desemba 11, kundi hili la kisiasa na kijeshi limeimarisha uwepo wake na kupanua udhibiti wake katika vitongoji kadhaa.
Imechapishwa:
Dakika 1 Wakati wa kusoma
Matangazo ya kibiashara
Asubuhi ya leo huko Uvira, katika mkoa w Kivu Kusini mashariki mwa DRC, hali imerudi kuwa kama kawaida, lakini kwa kusita: masoko yamefunguliwa tena, ingawa shughuli bado zinakwenda hatua kwa hatua, na shule bado zimefungwa.
Katika jiji hilo, magari ya AFC/M23 bado yanazunguka: wanajeshi wao wanapiga doria katika vitongoji kadhaa.
Wakazi waliowasiliana na RFI waliripoti kusikia milio ya risasi tena Alhamisi asubuhi hii, haswa katika kitongoji cha Songo.
AFC/M23 inaendelea kupanua udhibiti wake katika mji wa Uvira na viunga vyake.
Siku iliyotangulia, Bernard Maheshe Byamungu, naibu mkuu wa majeshi ya AFC/M23, amefika katika jiji hilo mwenyewe kujionea hali halisi ya mambo. Ametoa wito kwa wanajeshi wa Burundi ambao, kulingana na kundi lake, ambao bado wako Uvira: amewataka wajisalimishe, akiahidi kwamba watasindikizwa hadi mpakani “bila kubughudhiwa.” Mpaka ambao AFC/M23 inaudhibiti upande wa Kongo, na ambao, kwa wakati huu, bado umefungwa.
Serikali ya Kongo inaomba vikwazo dhidi ya Kigali, hata kambi ya Félix Tshisekedi inaomba vikwazo hivyo. Sekretarieti ya Kudumu ya Muungano Mtakatifu, jukwaa la kisiasa la rais wa Kongo, inaomba maandamano nchini kote. Imetangaza maandamano siku ya Ijumaa, Desemba 19. Lengo lake: “kuwataka wafadhili na mashahidi wa Mkataba wa Washington waondoke kutoka kwa matamko ya nia hadi hatua” na kuweka vikwazo vinavyofaa dhidi ya Rwanda.
Mwitikio mwingine ndani ya chama tawala: Umoja wa Vijana wa UDPS, chama cha rais, unamsihi Félix Tshisekedi kusasisha haraka amri ya kijeshi na huduma za usalama.
Hata hivyo, katika upinzani, hakuna maoni yoyote ambayo yametolewa hadi sasa.