Taarifa potofu na ukosefu wa imani vimekuwa janga jingine kubwa linalorudisha nyuma juhudi za kudhibiti mlipuko wa aina adimu ya virusi vya Ebola (Bundibugyo) mashariki mwa Jamhuri ya Kidemokrasia ya Kongo (DRC). Ueneaji wa uvumi mtandaoni na mitaani unasababisha watu kukataa matibabu, kushambulia vituo vya misaada, na kukimbia vituo vya uangalizi.
Imechapishwa:
Dakika 2 Wakati wa kusoma
Matangazo ya kibiashara
Kutokana na virusi vinavyoendelea kuenea mashariki mwa DRC, wafanyakazi wa afya na mashirika yasiyo ya kiserikali yanayoandaa mwitikio huo wanakabiliwa na uhasama kutoka kwa baadhi ya jamii, na hivyo kuathiri ufuatiliaji wa magonjwa na huduma kwa wagonjwa. Sababu ni uvumi unaoendelea na taarifa potofu kuhusu ugonjwa huo.
Wakati mlipuko wa Ebola ukiendelea kuenea mashariki mwa DRC, huku idadi ya visa na virusi vikienea katika maeneo mapya kulingana na Shirika la Afya Duniani (WHO) – takwimu za hivi karibuni kutoka Wizara ya Afya ya Kongo zinaripoti wa gonjwa689 waliothibitishwa kuambukizwa virusi hivyo na vifo 139 – wafanyakazi wa afya na mashirika yasiyo ya kiserikali yanayopambana na virusi hivyo wanakabiliwa na janga la pili: taarifa potofu kuhusiana na ugonjwa huo.
Jambo hili limefikia kiwango ambacho Mwanasheria Mkuu katika Mahakama ya Rufaa ya Ituri alitangaza kwamba mtu yeyote anayehusika katika kueneza habari za uongo au vitendo vinavyolenga kuzuia mwitikio wa afya sasa atashtakiwa.
Hivi karibuni, siku ya Jumanne, Juni 9, jambo hili lilisababisha shambulio lingine dhidi ya timu ya wafanyakazi wa afya ambao walikuwa wamekuja kuchunguza mgonjwa anayeshukiwa kuambukizwa virusi vya Ebola katika kijiji cha Toutou, katika eneo la afya la Rwampara mkoani Ituri. Huko, wakazi wenye silaha waliwalazimisha timu ya wafanyakazi hao kurudi nyuma katika shambulio lililoashiria uharibifu uliosababishwa na kuendelea kwa uvumi kuhusu mlipuko huo wa Ebola.
Kuchelewa kwa matibabu na kukataa huduma kunazuia kutokomeza virusi
“Mwanzoni, tulipowafahamisha watu kuhusu ugonjwa huo, tuliona kwamba walikuwa na uadui dhidi yetu: hawakuamini katika kampeni za uhamasishaji.” Walikuwa wakisema, “Mnatafuta pesa tu, sio ugonjwa halisi.” Na sasa wanaogopa: wakiombwa kupimwa, wanakataa. “Wengi hupendelea kukaa nyumbani badala ya kwenda hospitalini,” anasema mfanyakazi wa afya huko Bunia ambaye hakutaka kutotajwa jina lake.
Hata hivyo, taarifa potofu zina madhara makubwa, anaelezea Dkt. Yannick Jobalo, ambaye pia anafanya kazi Bunia: kucheleweshwa kwa matibabu na kukataa huduma huzuia kutokomeza virusi. “Tunapothibitisha visa mahali fulani, timu ya ufuatiliaji lazima iende huko ili kutambua watu walioambukizwa ili waweze kufuatiliwa na, ikiwa wanaonyesha dalili za ugonjwa huo, wapate matibabu bila kuchelewa.” Hata hivyo, ikiwa kwa bahati mbaya wanakutana na watu wenye shaka, timu wakati mwingine hufukuzwa na kufuatilia virusi kunakuwa vigumu,” anasema, kabla ya kutoa wito kwa watu wote kuzingatia ushauri wote unaotolewa na vituo vya afya ili kuvunja mnyororo wa maambukizi ya virusi.