Pendekezo la Jamhuri ya Kiislamu ya Iran la kuimarisha mshikamano katika mchakato wa kumchagua Rais mpya wa Umoja wa Mabunge Duniani (IPU) limepitishwa katika mkutano wa Kamati ya Utendaji ya PUIC.
Kikao cha Kamati ya Utendaji cha kikao cha ishirini cha Mkutano wa Umoja wa Mabunge ya nchi za Jumuiya ya Ushirikiano wa Kiislamu (PUIC) kimefanyika kwa ushiriki wa wawakilishi kutoka bunge la Jamhuri ya Kiislamu ya Iran, Uturuki, Jamhuri ya Azerbaijan, Oman, Uganda, Nigeria, Tunisia, Senegal, Saudi Arabia, Malaysia, Indonesia, Chad, Mauritania na Ivory Coast.
Katika mkutano huo, wawakilishi wa Iran, wakisisitiza umuhimu wa kuhifadhi umoja, mshikamano na muafaka miongoni mwa nchi wanachama, walitoa pendekezo la Jamhuri ya Kiislamu ya Iran lenye lengo la kuunda ushirikiano na kuimarisha makubaliano kwa ajili ya uchaguzi wa rais mpya wa Umoja wa Mabunge Duniani (IPU) kutoka miongoni mwa nchi za Kiislamu.
Pendekezo hilo, lililowasilishwa kuhusiana na kugombea Oman na Jamhuri ya Azerbaijan na kwa lengo la kurahisisha mchakato wa kufanya maamuzi, kuzuia migogoro inayoweza kutokea, na kuimarisha mbinu ya makubaliano katika usimamizi wa asasi za kimataifa, lilipokelewa vyema na wajumbe wa Kamati ya Utendaji na kuidhinishwa.
Wajumbe waliohudhuria mkutano walitathmini mbinu ya Jamhuri ya Kiislamu ya Iran kuwa inalenga kuimarisha umoja wa Ulimwengu wa Kiislamu, kuimarisha ushirikiano wa mabunge, na kuongeza ufanisi wa Muungano wa Mabunge ya nchi wanachama, na wakasisitiza umuhimu wa kudumisha mshikamano miongoni mwa nchi za Kiislamu katika mchakato wa kumchagua Katibu Mkuu mpya wa IPU.
Kukubaliwa pendekezo hili kunaashiria jukumu hai na lenye ushawishi la Jamhuri ya Kiislamu ya Iran katika diplomasia ya bunge ya ulimwengu wa Kiislamu.