Rais wa Afrika Kusini Cyril Ramaphosa amepata afueni kidogo katika kashfa inayomkabili. Mkuu wa nchi ameanzisha taratibu za kuzuia kamati ya mashtaka kuanzisha mashauriano yake ya umma. Kwa hivyo, amri ya muda imetolewa kwa rais katika katika kashfa ya “Farmgate”, ambapo kiasi kikubwa cha pesa kilipatikana kwenye moja ya mali zake.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu jijini Johannesburg, Valentin Hugues
Rais wa Afrika Kusini bado hajatoka kwenye mtego; ameongezwa muda. Kamati ya mashtaka inaweza kuendelea na kazi yake, ingawa vikao vya umma vimepigwa marufuku.
Kama jopo la wataalamu likihitimisha katika ripoti yake kwamba Cyril Ramaphosa huenda alikiuka Katiba na kwamba Bunge linaweza kuitisha mashtaka yake, rais wa Afrika Kusini anapinga ripoti hii katika kesi tofauti za kisheria. Akisubiri uamuzi huo, unaotarajiwa kutolewa mwezi Septemba, wakili wake amesema kwamba kumpeleka rais kwenye uchunguzi wa mashtaka ya umma kuhusu kuondolewa madarakani kwa msingi wa ripoti yenye dosari itakuwa “aibu”.
Kama ukumbusho, mnamo 2020, zaidi ya dola 580,000 ziliibwa kutoka shamba la Cyril Ramaphosa, kiasi kikubwa cha fedha za kigeni ambacho huibua maswali mazito.
Rais anadai noti hizo zilitokana na uuzaji wa nyati, lakini vyama kadhaa vya upinzani havimini maneno yake.
Kwa miaka minne, kashfa ya “farmgate” imening’inia kama upanga dhidi ya Cyril Ramaphosa, ambaye amewasilisha rufaa nyingi ili kuepuka mashtaka.