Akipokelewa katika Ikulu ya Élysée siku ya Alhamisi, Januari 29, 2026, wakati wa ziara yake mjini Paris, Rais wa Chad Mahamat Idriss Déby, akianamana na Emmanuel Macron, amerasimisha mwanzo wa enzi mpya katika uhusiano kati ya Paris na N’Djamena, ambao ulikuwa umedorora mwaka wa 2025. Sababu: uvunjaji wa makubaliano ya kijeshi kati ya nchi hizo mbili na mamlaka ya Chad.
Imechapishwa:
Dakika 2 Wakati wa kusoma
Matangazo ya kibiashara
Uamuzi huu ulisababisha kuondoka kwa wanajeshi wa mwisho wa Ufaransa waliokuwa wakipiga kambi nchini Chad mwaka mmoja uliopita.
“Ushirikiano uliofufuliwa, unaotegemea heshima ya pande zote na maslahi ya pamoja”: hivi ndivyo Emmanuel Macron na Mahamat Idriss Déby walivyoahidi wakati wa mapokezi ya rais huyo katika Ikulu ya rais wa Ufaransa jioni ya Alhamisi, Januari 29. Wakati wa “mkutano wa kikazi,” viongozi hao wawili walirasimisha mwanzo wa sura mpya katika uhusiano wa pande mbili kati ya Paris na N’Djamena, mwaka mmoja baada ya kuondoka kwa wanajeshi wa mwisho wa Ufaransa waliokuepo Chad.
Kulingana na taarifa yao ya pamoja, wote wawili “walikubaliana kuhusu mfululizo wa miongozo ambayo itatumika kama mfumo wa kufufua ushirikiano wa nchi mbili Ufaransa naChad katika nyanja zenye maslahi ya pamoja kwa nchi zote mbili.” Kwa upande wake, Chad inalenga hasa kutafuta msaada wa kifedha na wawekezaji, ambayo inaendana na msimamo wa Ufaransa, kwani Paris inataka “kupitisha mtazamo wa kiuchumi na kitamaduni” katika uhusiano wake na nchi za Afrika, kulingana na Ikulu ya Élysée.
Maslahi yanayoungana
Ingawa hakuna taarifa iliyotolewa kuhusu masuala ya usalama, mataifa hayo mawili yalikiri maslahi yanayoungana baada ya kipindi cha kutengana: ingawa Paris inabaki kuwa mshirika katikati ya bara la Afrika katika eneo ambalo halina utulivu, N’Djamena inaweza kutegemea mshirika anayetegemewa wakati ambapo mseto wa ushirikiano wake wa usalama hauonekani kutoa matokeo yote yanayotarajiwa.
Hatimaye, kuhusu mgogoro mkuu wa kikanda – hali ya Sudan – huku Ufaransa ikikataa kutoa maoni kuhusu jukumu la Chad, marais hao wawili walizisihi pande zinazopigana kutekeleza makubaliano ya amani ya kibinadamu yaliyopendekezwa na “Quad,” inayoundwa na Marekani, Misri, Falme za Kiarabu, na Saudi Arabia. Pia walitaka mazingira ya kimataifa yanayofaa kutatua mgogoro huo, kuhifadhi umoja na uadilifu wa eneo la nchi hiyo.
“Majadiliano kati ya Ufaransa na Chad yataendelea ili kuhakikisha utekelezaji na ufuatiliaji wa ahadi za pande zote mbili zilizotolewa kwa uhuru katika mfumo huu,” taarifa hiyo iliongeza.