Kwingineko katika bara la Afrika, maoi mbalimbali yamekuwa yakimiminika tangu mashambulizi ya jana ya Marekani na Israel dhidi ya Iran. Katika kulipiza kisasi, Tehran ilizindua mashambulizi ya makombora dhidi ya Israel na pia kwenye kambi za jeshi la Marekani zilizoko katika nchi zingine za Mashariki ya Kati. Wakati nchi kadhaa za Afrika zikitaka kusitishwa kwa mgogoro huu na kuheshimiwa kwa sheria za kimataifa, zingine zinachukua msimamo ulio wazi.
Miongoni mwa wa kwanza kutoa maoni yake ni Umoja wa Afrika, kupitia sauti ya Mwenyekiti wa Tume, Mahamoud Ali Youssouf. Katika taarifa ya awali, Umoja wa Afrika ulionyesha wasiwasi mkubwa kufuatia mashambulizi ya Marekani na Israel dhidi ya Iran: mgogoro huu mpya “unahatarisha kuzidisha ukosefu wa utulivu duniani.” Taarifa hii ilitangulia kulaaniwa jioni ya Jumamosi kwa mashambulizi ya makombora na ndege zisizo na rubani za Iran dhidi ya majirani zake: Bahrain, Qatar, Falme za Kiarabu, Kuwait, na Saudi Arabia.
Msimamo unaoshirikiwa na Morocco, ambayo, katika taarifa, illaani mashambulizi ya makombora ya Iran yaliyokiuka uadilifu na usalama wa nchi ndugu za Kiarabu.
Rais wa Chad Mahamat Idriss Déby alianza kwa kuonyesha “huruma wetu wa kidugu kwa Ayatollah Khamenei, pamoja na watu wote wa kidugu wa Iran katika kukabiliana na shida hii ambayo imekumba taifa ndugu.” N’Djamena alifafanua muda mfupi uliopita kwamba inalaani kwa ukali sawa mashambulizi ya Iran dhidi ya nchi za kidugu.
Mataifa mengine, kama vile Senegal, Algeria, Kenya, na Ghana, yamekuwa yakitoa wito wa kusitisha mapigano mara moja tangu Ijumaa, huku yakiwahimiza raia wao kuwa waangalifu.