
Mkutano huo unafanyika siku kadhaa baada ya kuzinduliwa mpango wa siku 21 unaolenga kuvimaliza vita kwenye ardhi hiyo ya Palestina. Mpango huo ulizinduliwa kwenye mkutano kati ya Trump na viongozi wa mataifa ya Kiarabu na Kiislamu pembezoni mwa mkutano wa Baraza Kuu la Umoja wa Mataifa.
Siku ya Jumapili, Trump alidokeza kupitia mtandao wake wa Truth Social kuhusu kile alichokitaja kama “mpango maalumu” kuhusu Mashariki ya Kati na kuongeza kuwa watahakikisha linafanikiwa.
Siku ya Ijumaa, Trump aliwaambia waandishi wa habari mjini Washington kwamba anadhani wamefikia makubaliano kuhusu Gaza, licha ya Netanyahu kuapa mbele ya Baraza la Umoja wa Mataifa kwamba atahakikisha anamaliza kazi aliyoianza ya kuliangamiza kundi la Hamas.